BREAKING
ఆటో స్తంభానికి ఢీకొని ముగ్గురికి గాయాలు అర్హులైన ప్రతి కుటుంబానికి జీవిత బీమా పథకాన్ని అందాలా కృషి చేయాలి జెడ్పి సీఈవో ఎల్లయ్య సమాజ చైతన్యంలో మీడియా పాత్ర కీలకం - జాతీయ పత్రికా దినోత్సవం సందర్భంగా నిర్మల్ ప్రెస్ క్లబ్‌ను సందర్శించిన జిల్లా కలెక్టర్ భవేశ్ మిశ్రా.: ఘనంగా ఏక్ పెడ్ మాకే నామ్ కార్యక్రమం సగానికి తగ్గిన డ్రగ్ డిస్కవరీ సమయం, బిగ్ ఫార్మా కంపెనీల చూపు ఆంథ్రోపిక్ వైపు ఇందిరమ్మ బీమాతో రూ.5లక్షల భరోసా డాక్టర్ రోహిత తల్లిదండ్రుల గృహప్రవేశ వేడుకలో పాల్గొన్న మాజీ మంత్రి నల్లపరెడ్డి.. రాష్ట్రస్థాయి హాకీ పోటీలకు అల్ఫోర్స్ విద్యార్థి ఎంపిక ఇదే ఉత్సాహంతో పనిచేయాలి.. 2029లోనూ కూటమిదే విజయం కావాలి శాతవాహన వర్సిటీ ఖాళీ సీట్ల భర్తీకి స్పాట్ కౌన్సెలింగ్ నిర్వహించాలి - గుంజపడుగు హరిప్రసాద్ రోడ్డు ప్రమాద మృతుల కుటుంబాలను పరామర్శించిన ఎమ్మెల్యే అమరనాథ రెడ్డి మృతులకు నివాళులర్పించి కుటుంబ సభ్యులకు పరామర్శ.. అండగా ఉంటామని భరోసా ప్రతి పేదవాడికి ప్రమాద బీమా ఉండాలన్నదే లక్ష్యం ప్రతి పేదవాడికి ప్రమాద బీమా ఉండాలన్నదే లక్ష్యం ఇద్దరు స్నేహితులు.. ఒకే వేదికపై ఆత్మీయ పలకరింపు! ప్రతి పేదవాడికి ప్రమాద బీమా ఉండాలన్నదే లక్ష్యం

రాధికా ఆప్టే వ్యాఖ్యలపై కీర్తి సురేష్ వివరణ.. తొలుత ఏమీ అర్థం కాలేదంటూ క్లారిటీ!

Select Suryaa Now
రాధికా ఆప్టే వ్యాఖ్యలపై కీర్తి సురేష్ వివరణ.. తొలుత ఏమీ అర్థం కాలేదంటూ క్లారిటీ!

సూర్య ఎంటర్‌టైన్‌మెంట్ డెస్క్: దక్షిణాది సినిమాలు, వివాహ సంప్రదాయాలపై నటి రాధికా ఆప్టే చేసిన వ్యాఖ్యల సందర్భంగా తాను స్పందించిన తీరుపై నటి కీర్తి సురేష్ స్పష్టత ఇచ్చారు. ఇటీవల ఒక వెబ్ సిరీస్ ప్రమోషన్ ఇంటర్వ్యూలో రాధికా ఆప్టే చేసిన వ్యాఖ్యలపై చెన్నైలో జరిగిన ప్రెస్ మీట్‌లో మీడియా ప్రతినిధులు అడిగిన ప్రశ్నకు కీర్తి సమాధానమిచ్చారు. తొలుత రాధిక ఏం చెబుతున్నారో తనకు అర్థం కాలేదని, ఆ తర్వాతే సాంస్కృతిక కోణాన్ని గ్రహించి వివరణ ఇచ్చానని ఆమె తెలిపారు.

దక్షిణాది వివాహ పద్ధతులపై చర్చ జరిగినప్పుడు దక్షిణాది సినిమా ప్రతినిధిగా మీరు మరింత బలంగా ఎందుకు వివరించలేదని ఒక విలేకరి ప్రశ్నించగా, కీర్తి సురేష్ స్పందిస్తూ తన వైఖరిని వివరించారు. తనకు తెలియని విషయాన్ని ఎవరి మీదా రుద్దలేనని, దక్షిణాదిలో కొన్ని ప్రాంతాల్లో ఉండే సంప్రదాయం గురించి సాధారణ సమాచారం మాత్రమే అందించానని పేర్కొన్నారు. కేరళలో అలాంటి పద్ధతి లేదని, తమిళనాడు, ఆంధ్రప్రదేశ్‌లలో కనిపిస్తుందని, కర్ణాటక విషయంలో తనకు పూర్తిగా తెలియదని అప్పుడే చెప్పానని గుర్తు చేశారు.

గతంలో ఒక ఇంటర్వ్యూలో రాధికా ఆప్టే తన కెరీర్‌లో సవాలుగా నిలిచిన పాత్ర గురించి మాట్లాడుతూ, ఒక తెలుగు సినిమాలో మేనమామతో వివాహం వంటి అంశంపై వ్యాఖ్యానించడం సినీ వర్గాల్లో చర్చకు దారితీసింది. ఆ సమయంలో పక్కనే ఉన్న కీర్తి సురేష్ స్పందించిన వీడియోలు, వ్యాఖ్యలు సోషల్ మీడియాలో వైరల్ కావడంతో విమర్శలు వినిపించాయి. మన సంస్కృతిని ఎప్పుడూ తక్కువ చేసి మాట్లాడనని, అవగాహన కోసమే ఆ మాటలు అన్నానని కీర్తి స్పష్టం చేశారు.

ప్రస్తుతం కీర్తి సురేష్ నటించిన సత్యవన్ సావిత్రి చిత్రం ప్రేక్షకుల ముందుకు రాబోతోంది. ప్రవీణ్ ఎస్ విజయేంద్ర దర్శకత్వం వహించిన ఈ సినిమాలో మిష్కిన్ కీలక పాత్రలో నటించారు. ఈ చిత్ర ప్రమోషన్లలో భాగంగా జరిగిన సమావేశంలో కీర్తి ఇచ్చిన వివరణతో ఈ వివాదానికి తెరపడినట్లయింది.