తుఫాన్ ప్రభావంపై పాలిటెక్నిక్ విద్యార్థుల క్షేత్ర పరిశీలన

ఆమదాలవలస, సూర్య : ఆమదాలవలస మండలం తొగరంలో ఉన్న ప్రభుత్వ వ్యవసాయ పాలిటెక్నిక్ కళాశాల విద్యార్థులకు ఆర్నబ్ తుఫాన్ కారణంగా దెబ్బతిన్న వరి పంటలపై శుక్రవారం క్షేత్ర పరిశీలన నిర్వహించారు. ఆమదాలవలస మండలం  పెదజొన్నవలస, మునగవలస గ్రామాల్లో నీట మునిగిన వరి పంట పొలాలను మండల ఏవో మెట్ట మోహనరావు, కళాశాల ప్రిన్సిపాల్ సీపాన నీలవేణి ఆధ్వర్యంలో పర్యవేక్షించారు. ఈ సందర్భంగా రైతులతో మాట్లాడి పొలంలో ఎక్కువగా ఉన్న నీటిని వీలైనంత తొందరగా తీసేయాలని, నీట మునిగిన పనులను తీసి కట్టలుగా కట్టుకోవాలని సూచించారు. ఈ క్షేత్ర పరిశీలన ఉన్న విద్యార్థులకు వ్యవసాయ సాగుపై, పంట నష్టాలపై అవగాహన కలుగుతుందని ఏవో మోహనరావు తెలియజేశారు. క్షేత్ర పరిశీలన వలన విద్యార్థులకు వ్యవసాయం సాగుపై తక్కువ సమయంలో మెరుగైన విద్యను పొందేందుకు అవకాశం కలుగుతుందన్నారు.