శ్రీ మఠంలో 16 ఏళ్లలోపు చిన్నారులకు ఆయుర్వేద వైద్య సేవలు..

మంత్రాలయం, సూర్య ప్రతినిధి  
కర్నూలు జిల్లా మంత్రాలయంలో వెలసిన శ్రీ రాఘవేంద్ర స్వామి బృందావనం శ్రీమతం ఆధ్వర్యంలో 16 సంవత్సరాల లోపు పిల్లలకు ఆయుర్వేద వైద్య చికిత్సలను శ్రీ మఠం పీఠాధిపతులు
శ్రీ సుబుధేంద్ర తీర్థ స్వామీజీ దివ్య ఆశీస్సులతో శ్రీ సుజయేంద్ర ఆరోగ్యశాలలో ఆదివారం 16 ఏళ్లలోపు చిన్నారులకు ఉచిత సువర్ణప్రాశన కార్యక్రమం నిర్వహించారు. సంప్రదాయ ఆయుర్వేద వైద్య విధానాలపై అవగాహన కల్పించడంతో పాటు చిన్నారుల ఆరోగ్య పరిరక్షణ లక్ష్యంగా ఈ కార్యక్రమాన్ని చేపట్టారు.
సంప్రదాయ ఆయుర్వేద విధానంలో భాగమైన సువర్ణప్రాశన చిన్నారుల రోగనిరోధక శక్తి, జ్ఞాపకశక్తి, మేధో వికాసం, సంపూర్ణ ఆరోగ్యానికి తోడ్పడుతుందని నిర్వాహకులు తెలిపారు. ఈ ఉచిత వైద్య సేవలను వినియోగించుకునేందుకు తల్లిదండ్రులు పెద్ద సంఖ్యలో తమ పిల్లలను తీసుకొచ్చారు.
సీఎంఓ డాక్టర్ సుధీంద్ర, కోఆర్డినేటర్ పి. విజయేంద్ర పర్యవేక్షణలో డాక్టర్ అంబాదాస్ కులకర్ణి, డాక్టర్ యేల్కూర్ యశస్విని వైద్యుల మార్గదర్శకత్వంలో కార్యక్రమం నిర్వహించారు. భక్తులు, స్థానిక ప్రజల ఆరోగ్య సంక్షేమానికి మఠం అందిస్తున్న సేవల్లో భాగంగా ఈ కార్యక్రమం కొనసాగిందని నిర్వాహకులు పేర్కొన్నారు.
నల్లారెడ్డి మంత్రాలయం సూర్యప్రతినిధి కర్నూలు జిల్లా