వెంకటేశ్వర డివిజన్‌లోని సుగ్దేవ్ నగర్ లో ఎం.జి.ఆర్ పర్యటన
తెలంగాణ బ్యూరో , ప్రతినిధి : మహబూబ్‌నగర్–రంగారెడ్డి–హైదరాబాద్ పట్టభద్రుల ఎమ్మెల్సీ ఎన్నికలను దృష్టిలో ఉంచుకుని, పట్టభద్రుల ఓటరు నమోదు ప్రక్రియను వేగవంతం చేయడంలో భాగంగా ఖైరతాబాద్ నియోజకవర్గం వెంకటేశ్వర డివిజన్‌లోని సుగ్దేవ్ నగర్ లో అర్హులైన పట్టభద్రులకు ఓటరు నమోదు దరఖాస్తు ఫారాలను పంపిణీ చేసిన ఖైరతాబాద్ నియోజకవర్గ బీఆర్ఎస్ పార్టీ ఇంచార్జ్ మన్నె గోవర్ధన్ రెడ్డి (ఎం.జి.ఆర్.) గారు, వెంకటేశ్వర డివిజన్ మాజీ కార్పొరేటర్ మన్నె కవిత గోవర్ధన్ రెడ్డి . ఈ సందర్భంగా ఎం.జి.ఆర్. మాట్లాడుతూ.."పట్టభద్రుల ఎమ్మెల్సీ ఎన్నికల్లో ప్రతి ఒక్క అర్హుడైన పట్టభద్రుడు తన ఓటు హక్కును వినియోగించుకునేలా ముందుగా ఓటరుగా నమోదు చేసుకోవాలి. ఓటరు నమోదు కోసం సమయం తక్కువగా ఉన్నందున ప్రతి డివిజన్‌లోనూ నమోదు ప్రక్రియను మరింత వేగవంతం చేయాలి. అర్హులైన పట్టభద్రులందరూ ఈ అవకాశాన్ని సద్వినియోగం చేసుకుని తమ ఓటరు నమోదు దరఖాస్తులను వెంటనే సమర్పించాలని కోరుతున్నాను. పట్టభద్రుల గొంతుకను చట్టసభలో వినిపించేందుకు ప్రతి ఓటు ఎంతో కీలకం" అని తెలిపారు. ఈ కార్యక్రమంలో రామచందర్, శ్రీకాంత్, మూర్తి, సురేష్, శౌరీ రాజ్, అఫ్జల్, తదితరులు పాల్గొన్నారు.
