ఖైదీల మానసిక ఆరోగ్యానికి ‘ఉల్లాసం’ కార్యక్రమం

హైదరాబాద్ మేజర్ న్యూస్ :తెలంగాణ జైళ్ల శాఖ ఆధ్వర్యంలో చంచల్‌గూడ కేంద్ర కారాగారం, హైదరాబాద్ మహిళా జైలులో ‘ఉల్లాసం’ మానసిక ఆరోగ్య కార్యక్రమాన్ని ప్రారంభించారు. డీజీ ప్రిజన్స్ డాక్టర్ సౌమ్య మిశ్రా ఐపీఎస్ ఈ కార్యక్రమాన్ని ప్రారంభించి, ఖైదీలు మానసిక ఒత్తిడిని తగ్గించుకుని ఆహ్లాదంగా ఉండేందుకు ఆటలు, క్రీడలు, వినోద కార్యక్రమాలు నిర్వహిస్తున్నట్లు తెలిపారు. వాలీబాల్, బ్యాడ్మింటన్, చెస్, క్యారమ్స్ తదితర ఆటల్లో ఖైదీలు ఉత్సాహంగా పాల్గొన్నారు. ఈ కార్యక్రమాన్ని ట్రెస్టిల్ స్కూల్ ఆఫ్ మ్యూజిక్ సహకారంతో నిర్వహించారు. త్వరలో చర్లపల్లి కేంద్ర కారాగారంతో పాటు ఇతర జిల్లా జైళ్లలోనూ ఈ కార్యక్రమాన్ని విస్తరించనున్నారు.