బ్రహ్మకుమారిస్ దీపాలి స్నేహ సమ్మేళనం విజయవంతం.

హిమాయత్ నగర్ , మేజర్ న్యూస్ :వెలుగుల పండుగ ఈ దీపావళి మనందరి జీవితంలో సరికొత్త వెలుగులు , ఆశలు నింపి మీరు ఎప్పుడు ఆనందంగా ఉండాలని తెలంగాణ మేధావుల ఫోరం రాష్ట్ర శాఖ అధ్యక్షులు డాక్టర్ రాజ్ నారాయణ ముదిరాజ్ అన్నారు. సోమవారం చేలాపుర బ్రహ్మకుమారిస్ శాఖ ఆధ్వర్యంలో  శాలిబండ సుధా టాకీస్ సమీపాన గల భారత్ గుణవర్ధక సంస్థ సమావేశ మందిరంలో దీపావళి స్నేహ సమ్మేళనం సందర్భంగా ఏర్పాటు చేసిన కార్యక్రమంలో పాల్గొని ప్రసంగించారు. దేశంలో అత్యంత ప్రజాదరణ పొందిన పండుగలలో ఒకటైన దీపావళిని ఎంతో ఉత్సాహంతో ఆనందంతో మనమందరం జరుపుకుంటామని వివరించారు.
చేలాపుర బ్రహ్మకుమారిస్ శాఖ పరిపాలకురాలు రజనీ సోదరి మాట్లాడుతూ ఆత్మ జ్యోతిని వెలిగించుకుని పరమపిత పరమాత్మ శివుని స్మృతిలో జీవించడమే దీపావళి పండుగ అసలైన ఆనందమని అన్నారు. హిమాయత్ నగర్ శాఖ బ్రహ్మకుమారిస్ పరిపాలకులు బ్రదర్ ఆనంద్ విచ్చేసి రాజయోగ ధ్యానం యొక్క ప్రాముఖ్యతను వివరించారు. ఈ కార్యక్రమంలో రజిని సోదరి, శిరీష సోదరి,శక్తి సోదరి ప్రశాంత, సవిత సోదరి తదితరులు మీదుగా జ్యోతి ప్రజ్వలన చేసి కార్యక్రమాన్ని ప్రారంభించి మాట్లాడుతూ మనలోని ఆత్మ జ్యోతిని వెలిగించుకొని పరమాత్మ స్మృతిలో ఉంటూ ప్రతి ఒక్కరి జీవితంలో సుఖశాంతులు ఆనందం నింపుకోవాలని సందేశం ఇచ్చారు. దీపావళి వేడుకల్లో భాగంగా ప్రత్యేక సంస్కృతిక కార్యక్రమాలు నిర్వహించి భారతీయ సాంస్కృతి సాంప్రదాయాలు ఆధ్యాత్మిక విలువలను ప్రతిబింబించే కార్యక్రమాలు ప్రేక్షకులను ఆకట్టుకున్నాయి. ఇది దీపావళి సమ్మె స్నేహ సమ్మేళనంలో పాతబస్తీలోని వివిధ బ్రహ్మకుమారి శాఖల ప్రతినిధులు పాల్గొన్నారు