సోమాజిగూడలో పట్టభద్రుల ఓటరు నమోదు కోసం ఇంటింటి ప్రచారం....

                 అర్హులైన పట్టభద్రులందరూ ఫారమ్-18 ద్వారా ఓటరుగా నమోదు చేసుకోవాలి: మహేష్ యాదవ్
 సోమాజిగూడ /మేజర్ న్యూస్ :1 రాబోయే మహబూబ్‌నగర్–రంగారెడ్డి–హైదరాబాద్ పట్టభద్రుల ఎమ్మెల్సీ ఎన్నికల నేపథ్యంలో పట్టభద్రుల ఓటరు నమోదు కార్యక్రమాన్ని విస్తృతంగా నిర్వహిస్తున్నారు. ఇందులో భాగంగా ఖైరతాబాద్ నియోజకవర్గంలోని సోమాజిగూడ డివిజన్ పరిధిలో బీఎస్ మక్తా ప్రాంతంలో డివిజన్ మాజీ కార్పొరేటర్ మహేష్ యాదవ్ ఇంటింటి ప్రచారం నిర్వహించారు.
ఈ సందర్భంగా బూత్ నంబర్లు 98, 99, 101, 102, 103 పరిధిలోని ఇళ్లను సందర్శించి అర్హులైన పట్టభద్రులను కలిసి ఫారమ్-18 ద్వారా ఓటరు నమోదు చేసుకునే విధానంపై అవగాహన కల్పించారు. అర్హత కలిగిన ప్రతి పట్టభద్రుడు తప్పనిసరిగా తన పేరును ఓటరు జాబితాలో నమోదు చేసుకోవాలని కోరారు. పట్టభద్రులందరికీ ఓటు నమోదు ప్రక్రియపై అవగాహన కల్పిస్తూ చేపట్టిన ఈ ఇంటింటి ప్రచారానికి స్థానికుల నుంచి సానుకూల స్పందన లభించింది అని మహేష్ యాదవ్ పేర్కొన్నారు.