రైతు కుటుంబాలకు కేటీఆర్ ఆర్థిక భరోసా

సూర్య, బోథ్ : బోథ్ నియోజకవర్గంలోని తలమడుగు, భీంపూర్, బోథ్ మండలాలకు చెందిన రైతులు ఆత్మహత్య చేసుకోవడంతో వారి కుటుంబాలను ఆదివారం బీఆర్ఎస్ వర్కింగ్ ప్రెసిడెంట్ కేటీఆర్ పరామర్శించారు. ఈ సందర్భంగా బాధిత రైతు కుటుంబాలకు ఒక్కొక్కరికి రూ.2 లక్షల చొప్పున ఆర్థిక సహాయాన్ని బోథ్ ఎమ్మెల్యే అనిల్ జాదవ్ చేతుల మీదుగా అందజేశారు. ఈ సందర్భంగా కేటీఆర్ మాట్లాడుతూ రైతులు ఎవరూ అధైర్యపడవద్దని, కష్టకాలంలో బీఆర్ఎస్ పార్టీ బాధిత కుటుంబాలకు అండగా ఉంటుందని భరోసా కల్పించారు. రైతు కుటుంబాలకు పార్టీ తరఫున అవసరమైన సహాయ సహకారాలు అందిస్తామని తెలిపారు.