శ్రీ దత్త వైద్యశాలలో విజయవంతంగా హైరిస్క్ గుండె ఆపరేషన్
శ్రీ దత్త వైద్యశాలలో విజయవంతంగా హైరిస్క్ గుండె ఆపరేషన్
నరసరావుపేట న్యూస్ :పట్టణంలోని శ్రీ దత్త సూపర్ స్పెషాలిటీ హాస్పిటల్‌లో అత్యంత క్లిష్టమైన హైరిస్క్ గుండె ఆపరేషన్‌ను విజయవంతంగా నిర్వహించినట్లు వైద్యులు డాక్టర్ గార్లపాటి కృష్ణకాంత్ తెలిపారు. శుక్రవారం ఆసుపత్రిలో ఏర్పాటు చేసిన మీడియా సమావేశంలో ఆయన ఈ వివరాలను వెల్లడించారు. కార్డియాక్ అరెస్ట్‌తో పాటు మూర్ఛలు, మెదడుకు సంబంధించిన సమస్యలతో బాధపడుతున్న ఓ వ్యక్తి తమ ఆసుపత్రిలో చేరినట్లు తెలిపారు. రోగి పరిస్థితి అత్యంత క్లిష్టంగా ఉన్నప్పటికీ, తమ వైద్య బృందం సవాలుగా స్వీకరించి, పలు ఇబ్బందులను అధిగమించి విజయవంతంగా చికిత్స అందించినట్లు పేర్కొన్నారు. సమన్వ యంతో కూడిన వైద్య సేవల ద్వారా రోగి ప్రాణాలను కాపాడగలిగామని వివరించారు. ఈ సందర్భంగా వైద్య బృందం కృషిని ఆయన అభినందించారు. కార్యక్రమంలో డాక్టర్ గార్లపాటి జ్ఞానేశ్వరి, డాక్టర్ అశోక్ కుమార్ రెడ్డి, డాక్టర్ మహేష్‌తో పాటు ఆసుపత్రి సిబ్బంది పాల్గొన్నారు.
