సర్పంచ్ కు 71, వార్డుకు 366 నామినేషన్లు
సర్పంచ్ కు 71, వార్డుకు 366 నామినేషన్లు దాఖలు - ఎంపీడీవో వెంకట రమణ
--భట్టిప్రోలు మండలంలో ముగిసిన నామినేషన్ల పర్వం
భట్టిప్రోలు, మేజర్ న్యూస్:
భట్టిప్రోలు మండలంలోని 15 గ్రామ పంచాయతీలకు జరుగుతున్న 2వ విడత ఎన్నికల్లో నామినేషన్ల దాఖలు శుక్రవారం తో ముగిసిందని మండల ప్రజా పరిషత్ అభివృద్ధి అధికారి ఎస్. వెంకటరమణ తెలిపారు.ఈ సందర్భంగా ఆమె మాట్లాడుతూ, చివరి రోజు శుక్రవారం నాటికి మండల వ్యాప్తంగా సర్పంచ్ స్థానాలకు 71 నామినేషన్లు, వార్డు సభ్యుల స్థానాలకు 366 నామినేషన్లు దాఖలయ్యాయని చెప్పారు. మొత్తం 437 నామినేషన్లు వచ్చాయన్నారు.నామినేషన్ల ప్రక్రియ ప్రశాంతంగా ముగిసిందని, మండల పరిధిలో ఎటువంటి అవాంఛనీయ సంఘటనలు జరగలేదని ఎండిఓ వెంకటరమణ తెలిపారు.తదుపరి కార్యక్రమం ప్రకారం నవంబర్ 21న నామినేషన్ల పరిశీలన, నవంబర్ 24న ఉపసంహరణ, తుది అభ్యర్థుల జాబితా ప్రకటన ఉంటుందని ఆమె వివరించారు. నవంబర్ 29న ఉదయం 7 గంటల నుంచి మధ్యాహ్నం 1 గంట వరకు పోలింగ్ జరిగి, అదే రోజు ఓట్ల లెక్కింపు, ఫలితాల ప్రకటన ఉంటుందని చెప్పారు.