పద్మశ్రీ పురస్కార గ్రహీతను మర్యాదగా కలిసిన ప్రపంచ టాప్ 2% శాస్త్రవేత్త డా. కోటి మణికుమార్

పి.గన్నవరం మేజర్ న్యూస్ :ప్రపంచ ప్రఖ్యాత సాఫ్ట్‌వేర్ విశ్వవిద్యాలయం ఎల్సెవియర్ సంస్థ ప్రకటించే ప్రపంచ టాప్ 2 శాతం శాస్త్రవేత్తల జాబితాలో చోటు దక్కించుకున్న డా. బి.ఆర్.అంబేద్కర్ కోనసీమ జిల్లా పి.గన్నవరం మండలం ఆదిమూలం వారిపాలెంకు చెందిన డా.కోటి మణికుమార్ ఆదివారం ఏలూరులో పద్మశ్రీ పురస్కార గ్రహీత డా.ఏ. నాగేశ్వరరావు ను మర్యాదపూర్వకంగా  ఆదివారం కలిసినట్లు తెలిపారు.ఈ సందర్భంగా డా. కోటి మణికుమార్ మాట్లాడుతూ పద్మశ్రీ డా. ఏ. నాగేశ్వరరావును కలుసుకోవడం ఎంతో ఆనందంగా, గౌరవంగా భావిస్తున్నానని అన్నారు. ఆర్కిడ్స్ మరియు వివిధ మొక్కలపై విశేష పరిశోధనలు చేసి సుమారు 200 పరిశోధనా పత్రాలను ప్రచురించిన డా.నాగేశ్వరరావుతో పలు పరిశోధన అంశాలపై చర్చించామని తెలిపారు.
మొక్కలు, ప్రకృతి, వాటిపై పరిశోధనలకు సంబంధించి ఆయన అందించిన అమూల్యమైన సూచనలు, పరిశోధనా ఆలోచనలు ఎంతో స్ఫూర్తినిచ్చాయని అన్నారు. అనుభవజ్ఞులైన పరిశోధకులను కలవడం, వారి జ్ఞానాన్ని పంచుకోవడం తమ పరిశోధనా ప్రయాణానికి ఎంతో ప్రేరణనిస్తుందని పేర్కొన్నారు.ఈ సందర్భంగా డా. నాగేశ్వరరావుకు హృదయపూర్వక ధన్యవాదాలు తెలిపామన్నారు.