ఫలించిన మేల్లగూడ గిరిజనుల పోరాటం...

బసవేశ్వర ఆలయ నిర్మాణానికి యాజమాన్యం అంగీకారం…

ఫరూక్ నగర్ రంగారెడ్డి 

 మండలం మెల్లగూడ తండా గిరిజనుల న్యాయపోరాటం ఫలించింది. వందేళ్లుగా తమ పూర్వీకులు బసవేశ్వరుడిగా పూజిస్తున్న రాతిబండను తొలగించేందుకు ట్రై సిటీ వెంచర్ యాజమాన్యం చేసిన ప్రయత్నాలను గిరిజనులు ఐక్యంగా అడ్డుకున్నారు.

తండా పరిధిలోని  ఉన్న పవిత్ర బసవేశ్వర బండను తొలగించేందుకు యాజమాన్యం యత్నించడంతో గ్రామ ఉప సర్పంచ్ వేణ nనాయక  ఆధ్వర్యంలో గిరిజనులు గత కొన్ని రోజులుగా పోరాటం చేస్తున్నారు. ఈ వివాదంలో పోలీసులు జోక్యం చేసుకుని ఇరువర్గాలతో చర్చలు జరిపారు.

చర్చలు సానుకూలంగా ముగిశాయి. గిరిజనులు పూజిస్తున్న చోటే బసవేశ్వర ఆలయాన్ని నిర్మించి ఇచ్చేందుకు ట్రై సిటీ యాజమాన్యం అంగీకరించింది. అదేవిధంగా మరో వెంచర్‌లో హనుమాన్ ఆలయ నిర్మాణానికి కూడా అంగీకారం తెలిపింది.

దీంతో తమ పూర్వీకుల నమ్మకాన్ని నిలబెట్టుకున్నామని గిరిజనులు హర్షం వ్యక్తం చేశారు. తమ సంస్కృతి, సాంప్రదాయాల పరిరక్షణకు ఎల్లప్పుడూ ముందుంటామని తెలిపారు.

నరసింహ రెడ్డి మేజర్ న్యూస్…