నువ్వూరుపాడు అంబేద్కర్ కాలనీలో టీడీపీ అభ్యర్థుల ఇంటింటి ప్రచారం

ఆత్మకూరు, మేజర్ న్యూస్ :   ఆత్మకూరు మండలం నువ్వూరుపాడు పంచాయతీలోని అంబేద్కర్ కాలనీలో టీడీపీ అభ్యర్థులు ఆదివారం ఇంటింటి ప్రచారం నిర్వహించారు. ఆంధ్రప్రదేశ్ రాష్ట్ర దేవాదాయ, ధర్మాదాయ శాఖ మంత్రి ఆనం రామనారాయణ రెడ్డి  ఆశీస్సులతో ఆత్మకూరు మండల జడ్పీటీసీ  అభ్యర్థి డాక్టర్ తూమాటి శశిధర్ రెడ్డి, నువ్వూరుపాడు సెగ్మెంట్ ఎంపీటీసీ  అభ్యర్థి షేక్ ఖాజావలి తెలుగుదేశం పార్టీ తరఫున ప్రచారంలో పాల్గొన్నారు.  ఈ సందర్భంగా అంబేద్కర్ కాలనీలో ఇంటింటికీ వెళ్లి స్థానిక ప్రజలను కలుసుకున్నారు. ప్రజల సమస్యలను అడిగి తెలుసుకుంటూ, గ్రామాభివృద్ధికి సంబంధించిన అంశాలపై వారితో చర్చించారు.  ఈ ప్రచార కార్యక్రమంలో టీడీపీ నాయకులు, కార్యకర్తలు, అభిమానులు వందలాదిగా పాల్గొన్నారు. స్థానిక పార్టీ శ్రేణులు అభ్యర్థులతో కలిసి ప్రచారంలో ఉత్సాహంగా పాల్గొన్నారు.