నూతన జడ్పీ చైర్మన్ గంజె నాగరాజు ఘనంగా సన్మానం చేసిన ఎమ్మెల్యే.
**గుంతకల్లు:** అనంతపురం జిల్లా పరిషత్ నూతన చైర్మన్గా ఎన్నికైన గార్లదిన్నె జడ్పీటీసీ సభ్యుడు గంజే నాగరాజును గుంతకల్లు ఎమ్మెల్యే జయరాం మర్యాదపూర్వకంగా కలిశారు. ఈ సందర్భంగా గుంతకల్లులోని తెలుగుదేశం పార్టీ కార్యాలయంలో ప్రత్యేకంగా సమావేశమైన ఎమ్మెల్యే జయరాం, నూతన జడ్పీ చైర్మన్ గంజే నాగరాజుకు పుష్పగుచ్ఛం అందజేసి శాలువాతో ఘనంగా సత్కరించారు. జిల్లా పరిషత్ చైర్మన్గా బాధ్యతలు చేపట్టిన సందర్భంగా ఆయనకు హృదయపూర్వక శుభాకాంక్షలు తెలియజేశారు. ప్రజాప్రతినిధిగా ప్రజలకు మరింత మెరుగైన సేవలు అందిస్తూ జిల్లా అభివృద్ధిలో కీలక పాత్ర పోషించాలని ఆకాంక్షించారు. జిల్లా పరిషత్ పరిధిలోని గ్రామీణ ప్రాంతాల అభివృద్ధి, ప్రజలకు అవసరమైన మౌలిక సదుపాయాల కల్పన, విద్య, వైద్యం, తాగునీరు, రహదారులు వంటి ప్రాధాన్యత కలిగిన అంశాలపై ప్రత్యేక దృష్టి సారించాలని ఈ సందర్భంగా చర్చించినట్లు తెలిసింది. నూతనంగా ఎన్నికైన జడ్పీ చైర్మన్ గంజే నాగరాజుకు వివిధ ప్రాంతాల నుంచి అభినందనలు వెల్లువెత్తుతున్న నేపథ్యంలో ఎమ్మెల్యే జయరాం స్వయంగా కలిసి సత్కరించడం రాజకీయ వర్గాల్లో ప్రాధాన్యత సంతరించుకుంది. ఈ సందర్భంగా గంజే నాగరాజు ఎన్నికకు సహకరించిన నాయకులు, ప్రజాప్రతినిధులు, పార్టీ శ్రేణులకు కృతజ్ఞతలు తెలియజేశారు. తనపై ఉంచిన నమ్మకాన్ని నిలబెట్టుకుంటూ జిల్లా అభివృద్ధికి శక్తివంచన లేకుండా కృషి చేస్తాననే ఆకాంక్షను వ్యక్తం చేశారు. ఈ కార్యక్రమంలో ఉమ్మడి అనంతపురం జిల్లా ఏడీసీసీ బ్యాంకు చైర్మన్ ముంటిమడుగు కేశవరెడ్డి పాల్గొని గంజే నాగరాజుకు శుభాకాంక్షలు తెలిపారు. పలువురు పార్టీ నాయకులు, ప్రజాప్రతినిధులు ఈ సందర్భంగా నూతన జడ్పీ చైర్మన్కు అభినందనలు తెలియజేశారు.