ప్రతి ఇంట ఉసిరి.. ప్రతి గుడిలో బిల్వం.. తడగొండ ఎల్లమ్మ ఆలయంలో ఏకబిల్వం మొక్క నాటిన గౌడ సంఘం
సూర్య బోయినపల్లి మాజీ రాజ్యసభ సభ్యులు జోగినిపల్లి సంతోష్ కుమార్ చేపట్టిన గ్రీన్ ఇండియా ఛాలెంజ్ లో భాగంగా బోయినపల్లి మండలం తడగొండ గ్రామంలోని శ్రీ రేణుక ఎల్లమ్మ ఆలయంలో పూజలు నిర్వహించి, ఆలయ ఆవరణలో ఏకబిల్వం మొక్కను నాటిన గౌడ సంఘం కులస్తులు.
ఈ సందర్భంగా వారు మాట్లాడుతూ, జోగినిపల్లి సంతోష్ కుమార్ గారు తీసుకువచ్చిన సరికొత్త హరిత సంకల్పం "ప్రతి ఇంట ఉసిరి.. ప్రతి గుడిలో ఏకబిల్వం" ఉండాలని, దసరా పండుగ నవరాత్రుల ఉత్సవాల్లో జమ్మి మొక్క నాటించి పురాతన సంప్రదాయాన్ని భావితరాలకు తెలియజేసేలా జమ్మి, ఉసిరి, ఏకబిల్వం లాంటి మొక్కలు ప్రతి గుడిలో ఉండాలనే దృఢ సంకల్పంతో ప్రతి గ్రామంలోని గుడి ఆవరణలో నాటడం ప్రారంభించారని తెలిపారు. అందులో భాగంగానే ఈరోజు ఎల్లమ్మ గుడి ఆవరణలో ఏకబిల్వం మొక్క నాటడం జరిగిందని అన్నారు.ఈ కార్యక్రమంలో మాజీ ఉప సర్పంచ్ కాసరపు శ్రీధర్ గౌడ్, ఉయ్యాల రమేష్, చింతలకోటి మహేష్, ఉయ్యాల బాలరాజు, నాగుల ప్రశాంత్, ఉయ్యాల శేఖర్, బోడిగే నవీన్, ఉయ్యాల శ్రీనివాస్, పుదారి వెంకటేష్, బండరి వెంకటేష్, ఉయ్యాల బాలాజీ, నాగుల అరవింద్, పులి వంశీ, చింతలకోటి మధు, ఉయ్యాల నవీన్ , గ్రీన్ ఇండియా ఛాలెంజ్ మెంబర్ కమల్ గౌడ్ తదితరులు పాల్గొన్నారు.