పంచాయతీ పాలకవర్గం ఏకగ్రీవం
నేటి దినపత్రిక సూర్య బ్యూరో రాజమహేంద్రవరం మండపేట నియోజకవర్గం కపిలేశ్వరపురం మండలం అచ్యుతాపురం గ్రామం అరుదైన రికార్డు సొంతం చేసుకుంది. 43 ఏళ్ల చరిత్ర లో పాలక వర్గం ఏకగ్రీవంగా ఎన్నికయింది. శనివారం నామినేషన్ ల పరిశీలన అనంతరం ఉపసంహరణ ప్రక్రియ చేపట్టారు. సర్పంచ్ కు, ఒకటవ వార్డు కు డమ్మీ అభ్యర్థులు నామినేషన్ లు ఉప సంహరించు కొన్నారు. దీంతో ఈ పంచాయతీ పాలక వర్గం ఏకగ్రీవంగా ఎన్నికై చరిత్ర సృష్టించారు. దీనికి కారణం ఏదైనా పంచాయతీ ఏకగ్రీవం కావాలంటే ఆయా వార్డు సభ్యులు అన్ని పార్టీలు పంచుకుంటాయి. ఒకవేళ కూటమి బలం ఎక్కువగా ఉంటే కూటమి పార్టీలు పంచుకుంటాయి. ఇక్కడ వీటికి భిన్నంగా సర్పంచ్ తో సహా ఎనిమిది మంది వార్డు సభ్యులు సైతం టిడిపి కి చెందిన వారే ఏకగ్రీవం కావడం రాష్ట్రంలో రికార్డు గా చెబుతున్నారు.
గ్రామ పంచాయతీ ఎన్నికల్లో తూర్పు గోదావరి జిల్లాలో ఈ రికార్డు నెలకొంది. అచ్యుతాపురం గ్రామం లో ఎనిమిది వార్డు లలో , గ్రామ సర్పంచ్ అందరూ టిడిపి వారే ఏకగ్రీవం అయ్యరు. అధికారికంగా సోమవారం ప్రకటిస్తారు. సింగిల్ నామినేషన్ లు ఉండడం తో ఇప్పటికే సాంకేతికంగా ఏకగ్రీవం అయినట్లే. కాగా రాష్ట్ర ఎన్నికల సంఘం ఈ నెల 24 సాయంత్రం అధికారికంగా ఏకగ్రీవ పంచాయతీల జాబితా ప్రకటిస్తుంది.శనివారం నామినేషన్లు పరిశీలన పూర్తి అయింది. అన్ని నామినేషన్ లు సక్రమంగా ఉన్నట్లు అధికారులు చెప్పారు. ఉపసంహరణ అనంతరం సింగిల్ నామినేషన్ లు మిగిలినట్లు అధికారులు ధ్రువీకరించారు. దీంతో మొత్తం పంచాయతీ పాలక వర్గం టీడీపీ కి సొంతం అయింది. ఈ గ్రామం సర్పంచ్ పదవి బిసి జనరల్ కు కేటాయించారు. టిడిపి నాయకులు చెన్నోజు వీర్రాజు(నాని) సర్పంచ్ గా ఏకగ్రీవంగా ఎన్నిక అయి చరిత్ర సృష్టించారు. ఒకటవ వార్డు మెంబర్ గా వల్లూరి సతీష్, రెండు వార్డు రిమ్మలపూడి అమ్మిరాజు, మూడో వార్డు దేవరపల్లి వెంకట లక్ష్మి, నాలుగు వార్డు బత్తిన రాజు, ఐదో వార్డ్ జగ్గరపు సత్య ప్రసాద్, ఆరో వార్డు పొన్నమండ సోమాలమ్మ, ఏడో వార్డులో చిట్టూరీ లక్ష్మీ, ఎనిమిది వార్డు బోకూరి లిల్లీ పుష్ప లు వార్డు పంచాయతీ సబ్యులు గా ఏకగ్రీవం అయ్యరు.