నిత్యావసర ధరల పెరుగుదలపై వైసీపీ వినూత్న నిరసన.. సూపర్ సిక్స్ హామీలు ఏమయ్యాయి?. --గిరిజాల బాబు

కడియం ,మేజర్ న్యూస్,:కూటమి ప్రభుత్వ పాలనలో నిత్యావసర వస్తువుల ధరలు పెరిగి సామాన్య ప్రజలపై ఆర్థిక భారం పడుతోందని వైసీపీ రాష్ట్ర కార్యదర్శి గిరిజాల బాబు విమర్శించారు. ఎన్నికల ప్రచారంలో భాగంగా కడియం గ్రామంలో ఆయన ఆధ్వర్యంలో వైసీపీ నాయకులు వినూత్న రీతిలో ఇంటింటి ప్రచారం నిర్వహించారు.
తోపుడు బండిపై బియ్యం, పప్పులు, నూనె, ఉల్లిపాయలు తదితర నిత్యావసర వస్తువులను ఉంచి, గత వైసీపీ ప్రభుత్వ హయాంలోని ధరలు, ప్రస్తుత ధరల మధ్య వ్యత్యాసాన్ని వివరిస్తూ ప్రచారం చేపట్టారు. సూపర్ సిక్స్ హామీల అమలుపై ప్రజలకు సమాధానం చెప్పాలని గిరిజాల బాబు డిమాండ్ చేశారు. పెరుగుతున్న నిత్యావసర ధరలు, విద్యుత్ బిల్లులతో కుటుంబ పోషణ భారంగా మారుతోందని ఆయన పేర్కొన్నారు.
ఈ సందర్భంగా జడ్పీటీసీ అభ్యర్థి కొత్తపల్లి శివాజీ, ఎంపీటీసీ అభ్యర్థులు పెంకే రామకృష్ణ (1వ స్థానం), దాసరి చంద్రకళ (2వ స్థానం), గుడాల వీరమణి (3వ స్థానం), సాకా మరియమ్మ (4వ స్థానం)తో కలిసి ఇంటింటికీ వెళ్లి ప్రచారం నిర్వహించారు. ఫ్యాన్ గుర్తుపై ఓటు వేసి తమ పార్టీ అభ్యర్థులను గెలిపించాలని ఓటర్లను అభ్యర్థించారు. ఈ కార్యక్రమంలో వైసీపీ నాయకులు, కార్యకర్తలు పెద్ద సంఖ్యలో పాల్గొన్నారు.