జనసేన జయకేతనం.. నారాయణపురం ఎంపీటీసీ-2లో కూటమి అభ్యర్థి లాల్ స్వామి ఘనవిజయం.. విజయానికి సహకరించిన ప్రతి ఒక్కరికీ పేరుపేరునా కృతజ్ఞతలు తెలిపిన లాల్ స్వామి

అనంతపురం ప్రతినిధి మేజర్ న్యూస్ :- నారాయణపురం ఎంపీటీసీ-2 ఎన్నికల్లో జనసేన పార్టీ మద్దతుతో బరిలో నిలిచిన కూటమి అభ్యర్థి లాల్ స్వామి ఘనవిజయం సాధించారు. ఈ విజయంతో జనసేన శ్రేణుల్లో, కూటమి నాయకులు, కార్యకర్తల్లో ఆనందోత్సాహాలు వెల్లివిరిశాయి.
ఈ సందర్భంగా లాల్ స్వామి మాట్లాడుతూ.. తనపై నమ్మకం ఉంచి ఓటు వేసి గెలిపించిన నారాయణపురం ఎంపీటీసీ-2 పరిధిలోని ఓటర్లందరికీ హృదయపూర్వక ధన్యవాదాలు తెలిపారు. ఎన్నికల సమయంలో తన విజయానికి అహర్నిశలు కృషి చేసిన కూటమి నాయకులు, జనసేన పార్టీ నాయకులు, కార్యకర్తలు, అభిమానులు, యువత, మహిళలు, ప్రతి ఒక్కరికీ పేరుపేరునా కృతజ్ఞతలు తెలియజేశారు.
ఈ విజయం తన ఒక్కడిదే కాదని, తనకు అండగా నిలిచిన ప్రతి ఒక్కరిదని పేర్కొన్నారు. ప్రజలు తనపై ఉంచిన నమ్మకాన్ని నిలబెట్టుకుంటూ, నారాయణపురం ప్రాంత అభివృద్ధికి నిరంతరం కృషి చేస్తానని తెలిపారు. ప్రజల సమస్యలను గుర్తించి, వాటి పరిష్కారానికి అందుబాటులో ఉంటానని హామీ ఇచ్చారు.

 మల్లికార్జున నేటి దినపత్రిక సూర్య స్టాఫ్ రిపోర్టర్..