జడ్పిటిసి , ఎంపీటీసీ అభ్యర్థుల గెలుపే లక్ష్యంగా మాజీ మంత్రి 'తానేటి' ప్రచారం

ద్వారకాతిరుమల, మేజర్ న్యూస్: ప్రజలకు ఇచ్చిన హామీలపై కూటమి నాయకులు సమాధానం చెప్పాలని వైయస్ఆర్సీపీ మాజీమంత్రి తానేటి వనిత ప్రశ్నించారు. మండల కేంద్రమైన ద్వారకాతిరుమలలో ఆదివారం మండల కన్వీనర్ ప్రతాపనేని వాసు ఆధ్వర్యంలో వైఎస్ఆర్సిపి నాయకులు కార్యకర్తలు ఇంటింటి ఎన్నికల ప్రచారం నిర్వహించారు. ప్రచారంలో జడ్పిటిసి అభ్యర్థి బుసన బోయిన విజయలక్ష్మి, ఎంపీటీసీ అభ్యర్థులు ఉక్కుర్తి వెంకటరావు, పొంగిలేటి రమేష్  పాల్గొన్నారు. ఈ సందర్భంగా  మాజీ మంత్రి తానేటి వనిత మాట్లాడుతూ తమ పార్టీకి మేనిఫెస్టో భగవద్గీత తో సమానం అని పేర్కొన్నారు. వైఎస్ జగన్మోహన్ రెడ్డి పాలనలో ప్రజలకు అనేక సంక్షేమ పథకాలు అందాయని తెలిపారు. కూటమి ప్రభుత్వం ఎన్నికల సమయంలో ప్రకటించిన సూపర్ సిక్స్ హామీలను అమలు చేయడంలో విఫలమైందని విమర్శించారు. ప్రజలకు ఇచ్చిన హామీలపై కూటమి నాయకులు  సమాధానం చెప్పి తీరాలని ప్రశ్నించారు. అనంతరం మండలంలోని తిమ్మాపురం గొల్లగూడెం పంగిడిగూడెం వేంపాడు గ్రామాల్లో ఎన్నికల ప్రచారంలో పాల్గొన్నారు. కార్యక్రమంలో బొండాడ వెంకన్న బాబు, పెద్దిరెడ్డి జ్యోతి శ్రీనివాస్, పి. ఉమామహేశ్వరరావు, తదితరులు పాల్గొన్నారు.