ఇరుసుమండలో పంట పొలాలను పరిశీలించిన ఏరువాక శాస్త్రవేత్తలు - రైతులకు సూచనలు తుపాన్ దెబ్బకు పడిపోయిన వరికి ప్రాణం పోసే ప్రయత్నం

 అంబాజీపేట మేజర్ న్యూస్  :అంబాజీపేట మండలం ఇరుసుమండ గ్రామంలో అర్నాబ్ తుపాన్ కారణంగా దెబ్బతిన్న వరి పంట పొలాలను ఏరువాక కేంద్రం, జిల్లా వనరుల కేంద్రం అధికారులు, ఆచార్య ఎన్‌జీ రంగా వ్యవసాయ విశ్వవిద్యాలయం బాపట్ల విద్యార్థులు, వ్యవసాయ శాఖ అధికారులు శుక్రవారం క్షేత్రస్థాయిలో పరిశీలించారు.
ఈ సందర్భంగా తుపాన్ కారణంగా నేలకొరిగిన వరి చేలల్లో నష్ట నివారణ చర్యలు, తీసుకోవాల్సిన జాగ్రత్తలపై రైతులకు అవగాహన కల్పించారు.
రైతులకు శాస్త్రవేత్తలు పలు సూచనలతో అవగాహన కల్పించారు.వర్షపు నీటిలో మునిగిన వరి చేలల్లో వెంటనే నీటిని బయటకు తీసేందుకు ఏర్పాట్లు చేయాలని,గాలులకు పడిపోయిన వరి దుబ్బులను నిలబెట్టి కట్టుకోవాలి.తెగుళ్లు సోకకుండా నీరు తీసిన తర్వాత ఎకరాకు 200 ఎంఎల్ చొప్పున ప్రోపికోన్జోల్ 
మందును పిచికారీ చేయాలి,గింజ గట్టిపడే దశలో ఉన్న పంటల్లో నీరు తీసిన తర్వాత 5 శాతం ఉప్పు ద్రావణాన్ని (5 కిలోల కల్లు ఉప్పును 100 లీటర్ల నీటిలో కలిపి) పిచికారీ చేయాలి. దీనివల్ల గింజ రంగు మారకుండా ఉంటుందన్నారు.ఈ క్షేత్ర పరిశీలన డాక్టర్ బి.ఆర్. అంబేద్కర్ కోనసీమ జిల్లా ఏరువాక కేంద్రం మరియు జిల్లా వనరుల కేంద్రం అధికారుల పర్యవేక్షించారు.ఈ కార్యక్రమంలో ఆచార్య ఎన్జీ రంగా అగ్రికల్చరల్ యూనివర్సిటీ ప్రొఫెసర్ అగ్రికల్చరల్ ఎక్స్టెన్షన్ ఎం. శ్రీనివాసరావు, టీచింగ్ అసోసియేట్ పి.వి. అంజిబాబు,డిఎటిటిసి (ఏరువాక కేంద్రం) సెంటర్ కోఆర్డినేటర్ ఎం.నందకిశోర్, జిల్లా వనరుల కేంద్రం సహాయ వ్యవసాయ సంచాలకులు ఎ.వి.ఎస్. రాజశేఖర్, వ్యవసాయ అధికారి జె.ఎన్.వి.వి. మనోహర్ కృష్ణ, మండల వ్యవసాయ అధికారి కె. ధర్మ ప్రసాద్, వ్యవసాయ విస్తరణ  పి.జాబేజ్ శాస్త్రి, ఇరుసుమండ గ్రామ వ్యవసాయ సహాయకులు అంతర్వేది సురేష్, గ్రామ రైతులు కె. సత్యనారాయణ, కె. వెంకటేశ్వరరావు తదితరులు పాల్గొన్నారు.