ఎన్నికల ఏర్పాట్లను పరిశీలించిన అధికారి

అరకులోయ,అక్టోబర్ 31, మేజర్ న్యూస్:ఆంధ్రప్రదేశ్ రాష్ట్ర ఎన్నికల సంఘం ఆదేశాల మేరకు నిర్వహిస్తున్న ఎంపీటీసీ, జెడ్పిటిసి సాధారణ ఎన్నికలు–2026లో భాగంగా అరకులోయ మండలంలో జరుగుతున్న ఎన్నికల ఏర్పాట్లను జనరల్ ఎన్నికల పరిశీలకుడు రోణంకి. కూర్మనాథ్ ప్రత్యేకంగా శనివారం పరిశీలించారు. అరకులోయ ప్రభుత్వ జూనియర్ కళాశాలలో ఏర్పాటు చేస్తున్న కౌంటింగ్ కేంద్రం,స్ట్రాంగ్ రూమ్, రిసెప్షన్ సెంటర్, డిస్ట్రిబ్యూషన్ సెంటర్లను ఆయన స్వయంగా పరిశీలించి పలు సూచనలు చేశారు.ఆయా కేంద్రాల్లో చేపడుతున్న ఏర్పాట్లు, మౌలిక సదుపాయాలు, భద్రతా చర్యలు,ఎన్నికల సామగ్రి భద్రపరిచే విధానం తదితర అంశాలపై మండల స్థాయి ఎన్నికల అధికారులతో సమీక్షించారు.ఎన్నికల ప్రక్రియను స్వేచ్ఛగా,నిష్పక్షపాతంగా, పారదర్శకంగా,సజావుగా నిర్వహించేందుకు అవసరమైన అన్ని ఏర్పాట్లు పకడ్బందీగా చేపట్టాలని సంబంధిత అధికారులకు ఆయన ఆదేశించారు.ఈ కార్యక్రమంలో అరకులోయ మండల ఎన్నికల అధికారి మాదశెట్టి. శ్రీధర్,సహాయ ఎన్నికల అధికారి–1,మండల పరిషత్ అభివృద్ధి అధికారి వీసం.ప్రసాద్,ఎన్నికల సహాయాధికారి,స్థానిక తహసిల్దార్ జి.రాజా శ్రీధర్, జిల్లా పర్యాటకశాఖ అధికారి పట్టాసి.చలపతిరావు, డైరెక్టర్ సర్వే అండ్ ల్యాండ్ రికార్డ్స్ ఈశ్వర దొర,పిఆర్ ఇంజినీరింగ్ అసిస్టెంట్లు తదితరులు పాల్గొన్నారు.