అద్దంకిలో 'ఓటరు అవగాహన పోస్టర్' ఆవిష్కరణ

సూర్య న్యూస్ అద్దంకి.

ప్రజల్లో ఓటింగ్ పై అవగాహన పెంచేందుకు రూపొందించిన "ఓటరు అవగాహన పోస్టర్"ను స్థానిక అధికారులు ఆవిష్కరించారు. ఈ కార్యక్రమం అద్దంకి ఎంపీడీవో కార్యాలయం వద్ద ఆదివారం జరిగింది. ఈ సందర్భంగా ఆర్వో రవికుమార్ మాట్లాడుతూ అర్హులైన ప్రతి ఒక్కరూ ఎటువంటి స్వార్థం లేకుండా స్వేచ్ఛగా తమ ఓటు హక్కును వినియోగించుకోవాలని సూచించారు. ఎన్నికల్లో పోలింగ్ శాతాన్ని పెంచడం మరియు ఓటర్లను చైతన్యపరచడమే లక్ష్యంగా ఈ అవగాహన పోస్టర్లను విడుదల చేసినట్లు తెలిపారు. ఎన్నికల కమిషన్ సూచించిన మార్గదర్శకాలను ప్రతి ఒక్కరూ పాటించాలన్నారు. కార్యక్రమంలో ఎంపీడీవో వరూధిని, ఎంఈఓ 2 కేవీ శ్రీనివాసరావు, సిబ్బంది ఉన్నారు.