పౌరసరఫరాల శాఖ అధికారుల ఆకస్మిక తనిఖీలు

సూర్య జగిత్యాల ప్రతినిధి:జగిత్యాల జిల్లా కోరుట్ల, మెట్‌పల్లి పట్టణాల్లో పౌరసరఫరాల శాఖ అధికారులు ఆకస్మిక తనిఖీలు నిర్వహించారు. జిల్లా పౌరసరఫరాల శాఖ, తూనికలు–కొలతల శాఖ అధికారులు సంయుక్తంగా చేపట్టిన ఈ తనిఖీల్లో రెండు హోల్‌సేల్ దుకాణాలు, ఆరు రిటైల్ దుకాణాలు, ఒక రైస్ మిల్లును పరిశీలించారు.మార్కెట్‌లో బియ్యం కృత్రిమ కొరత సృష్టించకుండా, వినియోగదారులకు సరసమైన ధరలకు బియ్యం అందేలా చూడటమే లక్ష్యంగా ఈ తనిఖీలు చేపట్టారు. తనిఖీల్లో రెండు వ్యాపార సంస్థలు బియ్యం బస్తాలపై ఉన్న అసలు ధరల లేబుళ్లను మార్చి అధిక ధరలకు విక్రయిస్తున్నట్లు అధికారులు గుర్తించారు. దీంతో తూనికలు, కొలతల శాఖ అధికారులు సంబంధిత వ్యాపారులపై కేసులు నమోదు చేశారు. జిల్లావ్యాప్తంగా పౌరసరఫరాల శాఖ ఆకస్మిక తనిఖీలు నిరంతరం కొనసాగుతాయని అధికారులు వెల్లడించారు