నూతన చౌక ధరల దుకాణం ఏర్పాటు

కమలాపూర్ , మేజర్ న్యూస్, హనుమకొండ జిల్లా  కమలాపూర్ మండలంలోని మర్రిపల్లి గ్రామంలో చౌక ధరల దుకాణం ను కాంగ్రెస్ పార్టీ నియోజకవర్గ ఇంచార్జి ప్రణవ్ బాబు ఆదేశాల మేరకు కాంగ్రెస్ పార్టీ సీనియర్ నాయకులు డాక్టర్ మౌటం కుమారస్వామి ప్రారంభించారు. స్థానిక సంస్థల ఎన్నికల్లో ఒడితల ప్రణవ్ బాబు గ్రామాన్ని సందర్శించిన సందర్భంలో గ్రామ ప్రజల చిరకాల కోరిక అయిన రేషన్ దుకాణం మర్రిపల్లి లో ఏర్పాటు చేయాలని ఇంచార్జ్ ఒడితల ప్రణవ్ బాబు ని గ్రామస్థులు విజ్ఞప్తి చేశారు. స్పందించిన ప్రణవ్ బాబు కచ్చితంగా ప్రజల కోరిక నెరవేస్తానని హామీ ఇచ్చి, ఇచ్చిన హామీ మేరకు రేషన్ దుకాణం మంజూరు చేయించారు. ఈ సందర్భంగా డాక్టర్ కుమారస్వామి మాట్లాడుతూ నియోజకవర్గ ఇన్చార్జ్ ఒడితల ప్రణవ్ బాబు గెలుపు ఓటములతో సంబంధం లేకుండా నిత్యం ప్రజల్లో ఉంటూ ప్రజలకు ఇచ్చిన హామీలు నెరవేర్చడానికి తన వంతు కృషి చేస్తున్నారని అన్నారు. మర్రిపల్లి గ్రామానికి ఇచ్చిన మాట ప్రకారం రేషన్ షాప్ మంజూరు చేయించి తరతరాలుగా గ్రామ ప్రజలుఎదుర్కొంటున్న సమస్యను పరిష్కరించి గ్రామ ప్రజల కోరికను నెరవేర్చారు అని పేర్కొన్నారు. ఈ సందర్భంగా గ్రామ ప్రజలు ఆనందోత్సవాలతో మిఠాయిలు పంచి బాణసంచా కాల్చి సంబరాలు చేసుకున్నారు. కార్యక్రమంలో గ్రామ సర్పంచ్ ఇనుగాల రాజు, ఉప సర్పంచ్ తుమ్మల మమత రమేష్, యువజన కాంగ్రెస్ కమలాపూర్ వర్కింగ్ ప్రెసిడెంట్ చేరాల రోహిత్ కుమార్,వార్డు సభ్యులు మారపల్లి రఘుపతి, తుమ్మల నరేష్,  నరెడ్ల శీను, యాటకాల రమేష్, ఇనుగాల మౌనిక తిరుపతి, ఇనుగాల పద్మ స్వామి,మర్రిపల్లి గ్రామ మాజీ సర్పంచ్ తుమ్మల బుచ్చి మల్లు,మాజీ ఉపసర్పంచ్ తుమ్మల తిరుపతి, నాయకులు నరెడ్ల స్వామి, గ్రామ శాఖ అధ్యక్షులు తుమ్మల సంతోష్, యాటకాల రాజు, బూర్గుల స్వామి, నన్నే నరసింహస్వామి, తుమ్మల రాములు,గంధసిరి అనిల్  గ్రామ ప్రజలు అధిక సంఖ్యలో పాల్గొన్నారు.

రిపోర్టర్, పవన్ ,కమలాపూర్, హనుమకొండ జిల్లా