చోరీ కేసుల్లో నిందితుడికి జైలు శిక్ష.

అనకాపల్లి, నవంబర్ 11, మేజర్ న్యూస్: స్థానిక అనకాపల్లి టౌన్ పరిధిలో దేవాలయ హుండీ, మొబైల్ ఫోన్ల చోరీలకు పాల్పడిన ముప్పిడి రాజు అలియాస్ జయరాజు (18), బి.ఆర్.టి. కాలనీ వాసికి కోర్టు రెండు కేసుల్లో 3 నెలల చొప్పున జైలు శిక్ష, రూ.500 చొప్పున జరిమానా విధించింది. సదరు ఘటనల వివరాలు ఇది విధంగా ఉన్నవి. జూలై 31 - ఆగస్టు 1 మధ్య ఆలయ హుండీ పగులగొట్టి రూ.3,000 చోరీ, ఆగస్టు 21న ఎన్టీఆర్ స్టేడియంలో స్కూటీ డిక్కీలో ఉన్న రెండు వివో ఫోన్ల చోరీ. నిందితుడు నేరం అంగీకరించడంతో 11వ అదనపు మెట్రోపాలిటన్ మేజిస్ట్రేట్ ఎ.రమేష్ శిక్ష విధించారు. జరిమానా చెల్లించకపోతే అదనంగా 7 రోజుల జైలు శిక్ష. దర్యాప్తు ఎస్.ఐ. ఎ.వెంకటేశ్వరరావు నిర్వహించగా, ఇన్స్పెక్టర్ జి.ప్రేమ్ కుమార్ పర్యవేక్షించారు. ప్రభుత్వ తరపున ఏపీపీ ఎల్.జె.జె.మృణాళిని వాదించారు. ఈ సందర్భంగా పట్టణ ప్రజలకు పోలీసులు పలు విజ్ఞప్తులు చేశారు. విలువైన వస్తువులు ద్విచక్ర వాహన డిక్కీలలో ఉంచవద్దు, దేవాలయాల్లో సీసీ కెమెరాలు ఏర్పాటు చేయాలని, అనుమానితులు కనిపిస్తే డయల్ 112కు సమాచారం ఇవ్వాలని కోరారు.