నవంబర్ 28న నవోదయ ఆరో తరగతి ప్రవేశ పరీక్ష.. హాల్‌టికెట్లు విడుదల

కీసర, మేజర్ న్యూస్: కీసరలోని జవహర్ నవోదయ విద్యాలయంలో 2027–28 విద్యా సంవత్సరానికి ఆరో తరగతిలో ప్రవేశాల కోసం నిర్వహించే ప్రవేశ పరీక్ష నవంబర్ 28న జరగనుంది. ఈ పరీక్షకు సంబంధించిన హాల్‌టికెట్లు విడుదల చేసినట్లు విద్యాలయ ప్రిన్సిపాల్ కె. మాధవరావు ఆదివారం ఒక ప్రకటనలో తెలిపారు. ప్రవేశ పరీక్షకు దరఖాస్తు చేసుకున్న విద్యార్థులు అధికారిక వెబ్‌సైట్‌ ద్వారా హాల్‌టికెట్లను డౌన్‌లోడ్ చేసుకోవాలని సూచించారు. హాల్‌టికెట్‌లో పేర్కొన్న పరీక్షా కేంద్రం, పరీక్ష సమయం, ఇతర వివరాలను ముందుగానే పరిశీలించుకోవాలని, పరీక్షకు హాజరయ్యే సమయంలో హాల్‌టికెట్‌ను తప్పనిసరిగా వెంట తీసుకురావాలని తెలిపారు. విద్యార్థులు, తల్లిదండ్రులు **https://cbseitms.rcil.gov.in/nvs/**⁠ వెబ్‌సైట్‌ను సందర్శించి హాల్‌టికెట్లు పొందాలని ప్రిన్సిపాల్ కె. మాధవరావు కోరారు.