బైక్ అదుపు తప్పి కాలువ లో పడి యువకుడు మృతి.

కళ్యాణదుర్గం: పెళ్లి వేడుకకు హాజరయ్యేందుకు బైక్‌పై వస్తున్న ఓ యువకుడు రోడ్డు ప్రమాదంలో ప్రాణాలు కోల్పోయిన విషాద ఘటన కళ్యాణదుర్గం మండల పరిధిలో చోటుచేసుకుంది. మండలంలోని గరుడాపురం కోళ్లఫారం సమీపంలో గురువారం రాత్రి బైక్ అదుపుతప్పి పక్కనే ఉన్న కాలువలో పడిపోవడంతో యువకుడు అక్కడికక్కడే మృతి చెందినట్లు సమాచారం. మృతుడు రాయదుర్గం మండలం చిన్నంపల్లి గ్రామానికి చెందిన యువకుడిగా తెలుస్తోంది. పెళ్లి వేడుకలో పాల్గొనేందుకు వస్తుండగా ఈ ప్రమాదం జరిగినట్లు ప్రాథమిక సమాచారం. ప్రమాదం జరిగిన సమయంలో బైక్ అదుపుతప్పడానికి గల కారణాలు తెలియాల్సి ఉంది. రాత్రి వేళ ప్రమాదం జరగడంతో యువకుడిని గుర్తించేలోపే ప్రాణాలు కోల్పోయినట్లు తెలుస్తోంది. ఈ ఘటనకు సంబంధించి పూర్తి వివరాలు తెలియాల్సి ఉండగా, పోలీసులు కేసు నమోదు చేసి దర్యాప్తు చేపట్టాల్సి ఉంది. పెళ్లి వేడుకకు వస్తూ యువకుడు మృత్యువాత పడటంతో కుటుంబ సభ్యులు, బంధువుల్లో విషాదం నెలకొంది.
కళ్యాణదుర్గం టౌన్ రిపోర్టర్ :- బోయ రంగస్వామి.