ఓటు వేసిన తిరుపతి మున్సిపల్ కార్పొరేషన్ మేయర్ అభ్యర్థి జేబీ శ్రీనివాస్

ఓటు వేసిన తిరుపతి మున్సిపల్ కార్పొరేషన్ మేయర్ అభ్యర్థి  జేబీ శ్రీనివాస్

తిరుపతి మున్సిపల్ కార్పొరేషన్ ఎన్నికల్లో భాగంగా ఎన్డీయే కూటమి మేయర్ అభ్యర్థి మన్యం శ్రీనివాస ప్రసాద్ @ జేబీ శ్రీనివాస్ 6వ డివిజన్ లోని తన పోలింగ్ కేంద్రంలో ఓటు హక్కును వినియోగించుకున్నారు. క్యూ లైన్ లో సామాన్య ఓటరులా నిలబడి ఓటు వేశారు. అనంతరం పోలింగ్ కేంద్రం ఎదుట మీడియాతో మాట్లాడుతూ ముందుగా తిరుపతి ప్రజలందరికీ నమస్కారం. ఈ రోజు నేను చాలా సంతోషంగా ఉన్నాను. ఒక సామాన్య పౌరుడిగా, ఈ నగర బిడ్డగా 6వ డివిజన్ లో నా ఓటు హక్కును వినియోగించుకున్నాను. ప్రజాస్వామ్యంలో ఓటు అనేది మనకు ఉన్న అతి పెద్ద ఆయుధం. ఈ ఆయుధంతోనే మనం మన భవిష్యత్తును నిర్ణయించుకోవాలి. నేను తిరుపతి ప్రజలను చేతులు జోడించి కోరుతున్నా మీరు ఎవరికోసమో కాదు, మీ పిల్లల భవిష్యత్తు కోసం, మీ తిరుపతి అభివృద్ధి కోసం బయటకు వచ్చి ఓటు వేయండి. ప్రశాంతంగా, నిజాయితీగా ఓటు వేయడానికి పోలీసులు, ఎన్నికల అధికారులు అన్ని ఏర్పాట్లు చేశారు. అనంతరం ఆయన పలు డివిజన్ పరిధిలోని పలు పోలింగ్ కేంద్రాలను సందర్శించారు.

Raaju బ్యూరో , తిరుపతి  జిల్లా