పవిత్రమైన ఓటు హక్కును బాధ్యతగా వినియోగించుకోవాలి ... -- వేమూరు ఎమ్మెల్యే నక్కా ఆనంద బాబు

భట్టిప్రోలు, మేజర్ న్యూస్: గుంటూరు మున్సిపల్ కార్పొరేషన్ (జిహెచ్ఎంసి) ఎన్నికల సందర్భంగా ఆదివారం వేమూరు నియోజకవర్గ శాసనసభ్యులు, మాజీ మంత్రి నక్కా ఆనంద బాబు తన కుటుంబ సభ్యులతో కలిసి ఓటు హక్కు వినియోగించుకున్నారు. గుంటూరు నగరంలోని శారదా కాలనీ రోడ్డులో ఉన్న కొల్ఫింగ్ కన్వెన్షన్‌లో ఏర్పాటు చేసిన పోలింగ్ కేంద్రంలో తన సతీమణి రత్నకుమారి, కుమారుడు డా. నక్కా అఖిలేష్ తో కలిసి ఓటు వేశారు. అనంతరం ఆయన మాట్లాడుతూ - ప్రజాస్వామ్యంలో ఓటు హక్కు అత్యంత కీలకమని, ప్రతి ఒక్కరూ బాధ్యతగా ఓటు వేయాలని పిలుపునిచ్చారు. ప్రజలే కీలకమని, ఎన్నికల్లో అన్ని అంశాలను నిశితంగా పరిశీలించి ఓటు ద్వారా తీర్పు ఇస్తారన్నారు. యువత భవిష్యత్తుకు, రాష్ట్ర అభివృద్ధికి ఓటు బలమైన పునాదని, కూటమి అభ్యర్థులు అఖండ మెజార్టీతో గెలిచి మేయర్ పీఠాన్ని కైవసం చేసుకుంటారని ధీమా వ్యక్తం చేశారు.