ప్రజావాణి ఫిర్యాదులపై తక్షణ చర్యలు తీసుకోవాలి: జిల్లా ఎస్పీ. డా. జి. జానకి షర్మిల.

1. సూర్య నిర్మల్ జిల్లా ప్రతినిధి:
నిర్మల్ జిల్లా పోలీసు కార్యాలయంలో సోమవారం నిర్వహించిన ప్రజావాణిలో ఎస్పీ డా. జి. జానకి షర్మిల ప్రజల నుంచి ఫిర్యాదులు, వినతులు స్వీకరించి సమస్యలను అడిగి తెలుసుకున్నారు. ప్రతి ఫిర్యాదుపై తక్షణమే స్పందించి, చట్టపరిధిలో విచారణ జరిపి బాధితులకు సకాలంలో న్యాయం అందించాలని సంబంధిత పోలీసు అధికారులను ఆదేశించారు. ఫిర్యాదుల పరిష్కారంలో జాప్యం చేయకుండా, బాధితులతో మర్యాదగా వ్యవహరించాలని సూచించారు. ప్రజలకు పారదర్శకమైన పోలీసు సేవలు అందించి శాఖపై నమ్మకాన్ని పెంపొందించడమే ప్రజావాణి లక్ష్యమని ఎస్పీ పేర్కొన్నారు.