వైసిపి ఆటలు సాగనివ్వం

వైసీపీ ఆటలు సాగనివ్వం..
---​నంద్యాల ఎంపీ డాక్టర్ బైరెడ్డి శబరి ధ్వజం
​ నంద్యాల టౌన్ మేజర్ న్యూస్ (జయ భారత రెడ్డి ): మున్సిపల్ ఎన్నికల్లో దొంగ ఓట్లు వేయించుకుంటూ, అడ్డదారులు తొక్కుతున్న వైసీపీ నాయకుల ఆటలు నంద్యాలలో సాగవని ఎంపీ, టీడీపీ జాతీయ ప్రధాన కార్యదర్శి డాక్టర్ బైరెడ్డి శబరి హెచ్చరించారు. ఆదివారం నంద్యాల పట్టణంలోని పలు వార్డుల్లో పోలింగ్ సరళిని ఆమె పరిశీలించారు. ఈ సందర్భంగా 13వ వార్డు టీడీపీ కౌన్సిలర్ అభ్యర్థి శ్యాంసుందర్ లాల్‌ను పోలింగ్ వివరాలు అడిగి తెలుసుకున్నారు.
​క్యూ లైన్లలో ఉన్న ఓటర్లను ఫ్యాన్ గుర్తుకు ఓటు వేయాలని వైసీపీ నేతలు ఒత్తిడి చేయడం, పోలింగ్ బూతుల్లోకి వెళ్లి వేలుముద్రలు వేయించుకోవడంపై ఎంపీ తీవ్ర ఆగ్రహం వ్యక్తం చేశారు. తన పర్యటనను ప్రశ్నిస్తున్న వైసీపీ మాజీ ఎమ్మెల్యేకు ఆమె కౌంటర్ ఇచ్చారు. ఎంపీగా ప్రజలు ప్రశాంతంగా ఓటు వేసుకునేలా చూడాల్సిన బాధ్యత తనపై ఉందని, తాను ఎలాంటి నిబంధనలు ఉల్లంఘించలేదని స్పష్టం చేశారు. వైసీపీ నేతల దొంగ ఓట్లను అడ్డుకునేందుకే తాను వార్డుల్లో పర్యటిస్తున్నానని ఎంపీ డాక్టర్ బైరెడ్డి శబరి తేల్చిచెప్పారు.