నల్గొండ ప్రజలందరికీ దీపావళి శుభాకాంక్షలు తెలిపిన పవన్ సాయి హాస్పిటల్స్ అధినేత డాక్టర్ ఆలేటి శ్రీనివాస్ గౌడ్.. ప్రతి కుటుంబంలో ఆయురారోగ్యాలు, సుఖసంతోషాలు వెల్లివిరియాలి!
ప్రతి కుటుంబంలో దీపావళి వెలుగులు నిండాలి
నల్గొండ ప్రజలకు పవన్ సాయి హాస్పిటల్స్ అధినేత డాక్టర్ ఆలేటి శ్రీనివాస్ గౌడ్ దీపావళి శుభాకాంక్షలు
నల్గొండ:
దీపావళి పర్వదినాన్ని పురస్కరించుకుని నల్గొండ జిల్లా ప్రజలందరికీ పవన్ సాయి హాస్పిటల్స్ అధినేత, ప్రముఖ ఆర్థోపెడిక్ గోల్డ్ మెడలిస్ట్ సర్జన్ డాక్టర్ ఆలేటి శ్రీనివాస్ గౌడ్ దీపావళి శుభాకాంక్షలు తెలిపారు. ఈ సందర్భంగా ఆయన మాట్లాడుతూ చీకటిని పారద్రోలి వెలుగులను నింపే దీపావళి పండుగ మన సంస్కృతి, సంప్రదాయాలకు ప్రతీకగా నిలుస్తుందని పేర్కొన్నారు. చెడుపై మంచి, అధర్మంపై ధర్మం సాధించిన విజయానికి సంకేతంగా జరుపుకునే ఈ పర్వదినం ప్రతి ఒక్కరి జీవితాల్లో సరికొత్త వెలుగులు నింపాలని ఆకాంక్షించారు.
నల్గొండ జిల్లా అన్ని రంగాల్లో మరింత అభివృద్ధి సాధించాలని, రైతులు సుభిక్షంగా ఉండాలని, పాడిపంటలతో గ్రామాలు కళకళలాడాలని ఆయన ఆకాంక్షించారు. ప్రతి కుటుంబం సుఖసంతోషాలతో, ఆయురారోగ్యాలతో, అష్టైశ్వర్యాలతో వర్ధిల్లాలని భగవంతుడిని ప్రార్థిస్తున్నట్లు తెలిపారు.
దీపావళి వేడుకలను ఆనందోత్సాహాలతో జరుపుకునే క్రమంలో పర్యావరణ పరిరక్షణకు ప్రతి ఒక్కరూ ప్రాధాన్యత ఇవ్వాలని సూచించారు. కాలుష్యాన్ని తగ్గించే విధంగా పండుగను జరుపుకోవాలని, ముఖ్యంగా చిన్నారులు, వృద్ధుల భద్రతను దృష్టిలో ఉంచుకుని టపాసులు కాల్చే సమయంలో తగిన జాగ్రత్తలు పాటించాలని విజ్ఞప్తి చేశారు. ప్రజలందరూ సురక్షితంగా, ఆనందంగా దీపావళి పండుగను జరుపుకోవాలని డాక్టర్ ఆలేటి శ్రీనివాస్ గౌడ్ కోరారు.
