సోలార్ పవర్ ప్లాంట్ల ఏర్పాటుకు ముందుకు రావాలి
చిట్యాల, మేజర్ న్యూస్, కేంద్ర ప్రభుత్వం ప్రవేశపెట్టిన పీఎం కుసుమ్ పథకం లో సోలార్ ప్లాంట్ ఏర్పాటుకు ప్రతి ఒక్కరు ముందుకు రావాలని భూపాల్ పల్లి విద్యుత్ శాఖ ఎస్ ఈ సదానందం ఆన్నారు. మండలంలోని గిద్దెముత్తారం గ్రామంలో పి ఎం కుసుమ్ పథకంలో అల్లం సుజాత రెండు మెగా వాట్ల సోలార్ పవర్ ప్లాంట్ ను ఏర్పాటు చేశారు. శనివారం సోలార్ పవర్ ప్లాంట్ ను గ్రిడ్ కు ఎస్ ఇ సదానందం అనుసంధానం చేశారు. ఈ సందర్భంగా ఎస్ ఈ సదానందం మాట్లాడుతూ ప్రస్తుతం ఎల్ నీనో ప్రభావం వలన కరెంటు ఉత్పత్తి వాడకం ఎక్కువగా ఉందని చెప్పారు. రైతులకు, వినియోగదాలకు నాణ్యమైన విద్యుత్ అందించేందుకు విద్యుత్ శాఖ కృషి చేస్తుందని అన్నారు. సోలార్ ప్లాంట్ల నిర్మాణానికి ఆసక్తి గల వారు ముందుకు వచ్చి ప్లాంట్లను ఏర్పాటు చేయాలని సూచించారు. సోలార్ పవర్ ప్లాంట్ల వలన సౌర విద్యుత్తు ఉత్పత్తి ద్వారా వాతావరణ కాలుష్యం తగ్గి పర్యావరణాన్ని రక్షిస్తుందని చెప్పారు. ఈ కార్యక్రమంలో భూపాలపల్లి డిఇ పాపిరెడ్డి, ఏఈ చంద్రశేఖర్ విద్యుత్ శాఖ సిబ్బంది పాల్గొన్నారు.
రిపోర్టర్ ;సదానందం, చిట్యాల ,జయశంకర్ భూపాలపల్లి
