ముధోల్ ప్రభుత్వ ఆసుపత్రికి మౌలిక వసతులు కల్పిస్తాం: జిల్లా కలెక్టర్ భవేశ్ మిశ్రా..

సూర్య నిర్మల్ జిల్లా ప్రతినిధి:
ముధోల్ ప్రభుత్వ సామాజిక ఆరోగ్య కేంద్రంలో వైద్య సేవలను మెరుగుపరిచి, రోగులకు అవసరమైన మౌలిక వసతులు కల్పిస్తామని జిల్లా కలెక్టర్ భవేశ్ మిశ్రా తెలిపారు.
మంగళవారం ఆసుపత్రిని సందర్శించిన కలెక్టర్ వివిధ విభాగాలను పరిశీలించి, వైద్యులు, సిబ్బంది వివరాలు, రోగులకు అందుతున్న సేవలపై ఆరా తీశారు. ప్రతి రోగికి నాణ్యమైన వైద్యం, అవసరమైన మందులు అందించాలని ఆదేశించారు. పాత ఆసుపత్రి భవనానికి మరమ్మతులు చేపట్టడంతో పాటు మార్చురీ ఏర్పాటు, నూతన భవన నిర్మాణానికి ఉన్నతాధికారులతో చర్చించి చర్యలు తీసుకుంటామని పేర్కొన్నారు.
ఈ కార్యక్రమంలో డీసీహెచ్‌ఎస్ కాశీనాథ్, తహసీల్దార్ శ్రీలత, సర్పంచ్ షబానా బేగం, వైద్యులు, సిబ్బంది పాల్గొన్నారు.