సర్వేపల్లిలో ఐదు జెడ్పీటీసీలతో పాటు ఐదు ఎంపీపీలు మావే

మనుబోలులో,  మేజర్ న్యూస్  :     సర్వేపల్లిలో ఐదు జెడ్పీటీసీలతో పాటు ఐదు ఎంపీపీలు మావే.  ప్రజల మద్దతుతో భారీ విజయాలు సాధించబోతున్నాం. డేగపూడి – బండేపల్లి కాలువ పనులను అడ్డుకున్న కాకాణికి మనుబోలు మండల ప్రజలు గుణపాఠం చెప్పబోతున్నారు.  మనుబోలులో ఎన్నికల ప్రచారం సందర్భంగా సర్వేపల్లి శాసనసభ్యులు సోమిరెడ్డి చంద్రమోహన్ రెడ్డి.  జెడ్పీటీసీ అభ్యర్థి పొట్టేళ్ల ప్రసాద్, మనుబోలు -1 అభ్యర్థి సాని భారతికి సైకిల్, మనుబోలు -2 అభ్యర్థి ఉదయ్ కి గాజుగ్లాసు గుర్తుపై ఓటు వేసి ఆశీర్వదించాలని కోరిన సోమిరెడ్డి

ఉన్నత విద్యావంతుడైన పొట్టేళ్ల ప్రసాద్ దళితులకు జరిగిన అన్యాయాలపై తీవ్ర స్థాయిలో పోరాడారు..వైసీపీ అధికారంలో ఉండగా చేసిన అరాచకాలను ధైర్యంగా ఎదుర్కొన్నాడు.  వీరంపల్లిలో ఓ పెద్దరెడ్డి దళితులపై అరాచకం చేసి ఊరి నుంచి తరిమేశాడు...వారికి న్యాయం చేసేందుకు ప్రసాద్ అలుపెరగకుండా పోరాడారు.  గిరిజన బిడ్డను షిఫ్ట్ ఆపరేటర్ పోస్టు నుంచి తొలగించి, ఆ ఉద్యోగాన్ని రూ.5 లక్షలకు అమ్మేసుకున్న వైసీపీ నేత దుర్మార్గంపైనా పోరాడి విజయం సాధించిన నేపథ్యం ప్రసాద్ కు ఉంది.  ప్రజా సమస్యల పరిష్కారంపై సంపూర్ణ అవగాహన ఉన్న ప్రసాద్ ను జెడ్పీటీసీగా, ఎంపీటీసీ అభ్యర్థులందరినీ భారీ మెజార్టీతో గెలిపించాలని కోరుతున్నాను.  నేను నిధులు తెచ్చి పనులు ప్రారంభించిన డేగపూడి -బండేపల్లి కాలువ నిర్మాణాన్ని ఎందుకు అడ్డుకున్నాడో మనుబోలు మండల రైతులకు కాకాణి సమాధానం చెప్పాలి.  కొమ్మలపూడిలో జాతీయ రహదారి పక్కనే విలువైన భూమిని తన బినామీల పేర్లతో రాసుకున్న చరిత్ర కాకాణిది.  వీరంపల్లిలో హైస్కూలు స్థలాన్ని కబ్జా చేసుకున్న వారిని నేనైతే చెక్కతో కొట్టివుండేవాడిని.  దళితులను ఊళ్ల నుంచి తరిమేసిన ఘటనలను కాకాణి హయాంలోనే చూశాం.  వైసీపీ ఐదేళ్ల పాలనలో చేసిన అరాచకాలను చూసిన ప్రజలు ఎమ్మెల్యేగా నన్ను గెలిపించారు.  ఇప్పుడు స్థానిక సంస్థల ఎన్నికల్లోనూ మా అభ్యర్థులను గెలిపించి గ్రామాలను మరింత అభివృద్ధి చేసుకుందాం.  భూదోపిడీలు, అక్రమ మైనింగ్, నకిలీ డాక్యుమెంట్లు, కోర్టులో దొంగతనం వంటి నీచచరిత్ర కలిగిన కాకాణికి మరోసారి ప్రజలు బుద్ధిచెప్పడం ఖాయం.  ప్రజామోదంతో సర్వేపల్లి నియోజకవర్గంలోని ఐదు జెడ్పీటీసీలు, ఐదు ఎంపీపీలను గెలిపించుకోబోతున్నాం