విద్యుత్ షాక్‌తో మృతి చెందిన కార్మికుడి కుటుంబానికి అండ
పటాన్ చెరు;చపమాదవశాత్తు విద్యుత్ షాక్‌తో మృతి చెందిన కార్మికుడి కుటుంబానికి బీఆర్‌ఎస్ రాష్ట్ర నాయకుడు గూడెం మధుసూదన్ రెడ్డి అండగా నిలిచారు. బాధిత కుటుంబాన్ని పరామర్శించి, అన్ని విధాలా సహాయ సహకారాలు అందిస్తామని హామీ ఇచ్చారు.బీహార్ రాష్ట్రానికి చెందిన వినయ్ కుమార్ (19) స్థానిక పారగాన్ పరిశ్రమలో కాంట్రాక్ట్ కార్మికుడిగా పనిచేస్తూ బండ్లగూడలో నివాసం ఉంటున్నాడు.ఈ క్రమంలో మంగళవారం ఉదయం తన ఇంటిపై ఉన్న విద్యుత్ తీగలు తాకడంతో విద్యుదాఘాతానికి గురై అక్కడికక్కడే మృతి చెందాడు.విషయం తెలుసుకున్న గూడెం మధుసూదన్ రెడ్డి, మాజీ ఎంపీపీ యాదగిరి యాదవ్‌తో కలిసి ఘటనాస్థలానికి చేరుకున్నారు. మృతుడి కుటుంబ సభ్యులను పరామర్శించి,వారికి ధైర్యం చెప్పారు. కార్మికుడు పనిచేస్తున్న పారగాన్ పరిశ్రమ యాజమాన్యంతో చర్చించి మానవతా దృక్పథంతో ఆర్థిక సహాయం అందించాలని కోరారు.అలాగే విద్యుత్ శాఖ తరఫున నష్టపరిహారం అందేలా చర్యలు తీసుకోవాలని సంబంధిత శాఖ ఉన్నతాధికారులకు విజ్ఞప్తి చేశారు. మృతుడి అంత్యక్రియల నిమిత్తం కుటుంబ సభ్యులకు ఆర్థిక సహాయం అందించారు.ఈ కష్టకాలంలో బాధిత కుటుంబానికి అండగా ఉంటామని భరోసా ఇచ్చారు.
