సీతాయిపల్లి గ్రామంలో కొనసాగుతున్న రీ-సర్వే పనులను పరిశీలించిన ఆర్.డి.ఓ, రోడ్డ ప్రభాకర్

సూర్య ఎల్లారెడ్డి ;ఎల్లారెడ్డి నియోజకవర్గం లోని గాంధారి మండలం లోనీ సీతాయిపల్లి గ్రామంలో కొనసాగుతున్న రీ-సర్వే పనులను మంగళవారం ఎల్లారెడ్డి ఆర్.డి.ఓ రోడ్డ ప్రభాకర్ క్షేత్రస్థాయిలో పరిశీలించారు.ఈ సందర్భంగా గ్రామంలో జరుగుతున్న సర్వే పనుల తీరును, క్షేత్ర కొలతలను, ఎఫ్.ఎం.బి స్కెచ్ లను పరిశీలించారు. రైతులతో నేరుగా మాట్లాడి వారి భూ సంబంధిత సమస్యలను అడిగి తెలుసుకున్నారు.రీ-సర్వే పనులను ఎటువంటి పొరపాట్లు లేకుండా 100% కచ్చితత్వంతో నిర్వహించాలని, పనుల్లో పారదర్శకత పాటించాలని, రైతులకు ఎటువంటి ఇబ్బందులు కలగకుండా చూడాలని, వారి సందేహాలను అక్కడికక్కడే నివృత్తి చేయాలని తహశీల్దార్, గాంధారి  సర్వే బృందానికి ఆదేశాలు జారీ చేశారు.నిర్ణీత గడువులోగా రీ-సర్వే పనులను పూర్తి చేయాలని సూచించారు.ఈ పరిశీలన కార్యక్రమంలో సర్వే బృందం, రెవెన్యూ సిబ్బంది  గ్రామ ప్రజలు పాల్గొన్నారు.