రైతులకు మద్దతు ధర అందేలా ధాన్యం కొనుగోళ్లు చేపట్టాలి : కలెక్టర్

సూర్య-పెద్దపల్లి: రైతులకు ప్రభుత్వం ప్రకటించిన మద్దతు ధర అందేలా జిల్లాలో 311 ధాన్యం కొనుగోలు కేంద్రాలను ప్రారంభించినట్లు కలెక్టర్ కోయ శ్రీహర్ష తెలిపారు.
మంగళవారం కలెక్టరేట్‌లో ఖరీఫ్ ధాన్యం కొనుగోళ్లపై అధికారులతో సమీక్ష నిర్వహించారు. ప్రస్తుత సీజన్‌లో జిల్లాలో 4.95 లక్షల మెట్రిక్ టన్నుల ధాన్యం ఉత్పత్తి అవుతుందని అంచనా వేసినట్లు పేర్కొన్నారు. నవంబర్ రెండో వారం నుంచి పెద్ద ఎత్తున ధాన్యం దిగుబడులు వచ్చే అవకాశం ఉందన్నారు. సన్నరకం ధాన్యానికి మద్దతు ధరతో పాటు క్వింటాల్‌కు రూ.500 బోనస్ అందేలా చర్యలు తీసుకోవాలని సూచించారు. రైతులకు ఇబ్బందులు కలగకుండా కొనుగోళ్లకు అవసరమైన ఏర్పాట్లు పూర్తి చేయాలని అధికారులను ఆదేశించారు.
సమావేశంలో పౌరసరఫరాలు, మార్కెటింగ్, సహకార, డీఆర్డీఓ శాఖల అధికారులు పాల్గొన్నారు.