ఆత్మకూరులో కోలాహలంగా టిడిపి సంబరాలు - విజేతలకు సన్మానాలు, అభినందనలు

ఆత్మకూరు, మేజర్ న్యూస్ :   ఆత్మకూరు మున్సిపాలిటీ తెలుగుదేశం కైవసం చేసుకున్న సందర్భంగా ఆ పార్టీ నేతలు కార్యకర్తలు మంగళవారం సాయంత్రం అత్యంత కోలాహలంగా సంబరాలు జరుపుకున్నారు. తెలుగుదేశం చైర్పర్సన్ అభ్యర్థిగా డాక్టర్ బొమ్మిరెడ్డి షకీలా ఘన విజయం  సాధించారు. 12 మంది తెలుగుదేశం అభ్యర్థులు ఒకరు బీజేపీ, ఇద్దరు జనసేన అభ్యర్థులు కూడా విజయం సాధించారు. దాంతో చైర్ పర్సన్ బొమ్మిరెడ్డి షకీలా స్వగృహం వద్ద, కూటమి కార్యాలయం రవితేజ కళ్యాణమండపం వద్ద నాయకులు అభిమానులు పెద్ద ఎత్తున బాణాసంచా కాల్చి ఘనంగా సంబరాలు జరుపుకున్నారు. మున్సిపల్ చైర్ పర్సన్ గా విజయం సాధించిన డాక్టర్ బొమ్మిరెడ్డి షకీలా, ఆమె తనయుడు యువ నేత బొమ్మిరెడ్డి తారక్ నాథ్ రెడ్డిలను టిడిపి నాయకులు కార్యకర్తలు గజమాలతో, పుష్పగుచ్చాలతో, శాలువాలతో ఘనంగా సన్మానించి అభినందనలు తెలిపారు. విజయం సాధించిన అభ్యర్థులు కూడా తమ శ్రేణులతో సంబరాలు జరుపుకున్నారు.