పటాన్‌చెరు ఎంపీపీ షాపింగ్ కాంప్లెక్స్ షట్టర్‌కు వేలం

పటాన్‌చెరు;మండల ప్రజా పరిషత్ పటాన్‌చెరు ఆధ్వర్యంలోని షాపింగ్ కాంప్లెక్స్‌లో షట్టర్ నంబర్ 22కు ఈ నెల 6న బహిరంగ వేలంపాట నిర్వహించనున్నట్లు ఎంపీడీవో యాదగిరి తెలిపారు.శుక్రవారం మధ్యాహ్నం 3 గంటలకు మండల పరిషత్ కార్యాలయంలో వేలంపాట నిర్వహించనున్నట్లు వెల్లడించారు.వేలంపాటలో పాల్గొనదలచిన ఆసక్తిగల వ్యక్తులు ఈ నెల 2 నుంచి 5వ తేదీ వరకు మండల పరిషత్ కార్యాలయంలో దరఖాస్తు ఫారాలు పొందవచ్చని తెలిపారు. దరఖాస్తుల సమర్పణకు 5వ తేదీ చివరి తేదీగా పేర్కొన్నారు. వేలంపాటలో పాల్గొనే వారు నిర్ణీత నియమ నిబంధనలు, డిపాజిట్ వివరాలను పరిశీలించి దరఖాస్తు చేసుకోవాలని సూచించారు.