విజయం చేకూర్చిన వారందరికీ ప్రత్యేక కృతజ్ఞతలు - డాక్టర్ బొమ్మిరెడ్డి షకీలా
ఆత్మకూరు, మేజర్ న్యూస్ : ఆత్మకూరు మున్సిపాలిటీ చైర్పర్సన్ గా తనకు అఖండ విజయం చేకూర్చిన మున్సిపల్ పరిధిలోని ప్రజలందరికీ ప్రత్యేక ధన్యవాదాలని తెలుగుదేశం తరఫున మున్సిపల్ చైర్మన్ అభ్యర్థిగా పోటీ చేసి విజయం సాధించిన డాక్టర్ బొమ్మిరెడ్డి షకీలా పేర్కొన్నారు.ఆమె విజయం సాధించిన అనంతరం ఏర్పాటు చేసిన విలేకరుల సమావేశంలో మాట్లాడారు. తనకు ఈ అవకాశం కల్పించేందుకు కృషిచేసిన రాష్ట్ర దేవదాయ శాఖ మంత్రి ఆనం రామనారాయణ రెడ్డికి,తన విజయం కోసం కృషి చేసిన తెలుగుదేశం,బిజెపి,జనసేన నాయకులకు కార్యకర్తలకు ఆత్మకూరు మున్సిపల్ పరిధిలోని ప్రజలకు ప్రత్యేక ధన్యవాదాలని డాక్టర్ షకీలా పేర్కొన్నారు. ఎన్నికలు ప్రశాంతంగా జరిగేలా చర్యలు తీసుకున్న అధికార యంత్రాంగానికి, సహకరించిన ప్రజలకు ప్రత్యేక ధన్యవాదాలని ఆమె పేర్కొన్నారు. తాను మున్సిపల్ చైర్మన్ బాధ్యతలు చేపట్టిన మరుక్షణం నుంచే అభివృద్ధి ప్రదాత రాష్ట్ర దేవాదాయ శాఖ మంత్రి ఆనం రామనారాయణరెడ్డి అండదండలతో ఆత్మకూరు అభివృద్ధికి కృషి చేస్తానని ప్రజా సమస్యల పరిష్కరిస్తానని ప్రజలకు తన వంతు సేవలు అందిస్తానని తాను అందిస్తున్న వైద్య సేవలను మరింత మెరుగ్గా కొనసాగిస్తానని డాక్టర్ షకీలా పేర్కొన్నారు. ఈ సమావేశంలో డాక్టర్ షకీలా తనయుడు యువనేత బొమ్మిరెడ్డి తారక్ నాథ్ రెడ్డి పాల్గొన్నారు.
