61వ డివిజన్‌లో ఆనం రంగ మయూరి రెడ్డి ఘన విజయం!

నెల్లూరు,  మేజర్ న్యూస్ :   నెల్లూరు కార్పొరేషన్ ఎన్నికల్లో 61వ డివిజన్ నుంచి ఆనం రంగ మయూరి రెడ్డి 2,371 ఓట్లతో ఘన విజయం సాధించారు. ఎన్నికల బరిలో తనకు మద్దతుగా నిలిచిన ఓటర్ల ఆదరణతో విజయాన్ని అందుకున్న ఆమెకు అనుచరులు, పార్టీ శ్రేణులు అభినందనలు తెలిపారు.  విజయం అనంతరం ఆనం రంగ మయూరి రెడ్డి నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డిని మర్యాదపూర్వకంగా కలిశారు. ఈ సందర్భంగా ఎమ్మెల్యేను కలిసి తన విజయాన్ని తెలియజేశారు. కోటంరెడ్డి శ్రీధర్ రెడ్డి ఆమెకు అభినందనలు తెలియజేసి శుభాకాంక్షలు అందించారు.  డివిజన్ ప్రజలు తనపై ఉంచిన నమ్మకాన్ని నిలబెట్టుకుంటూ వారి సమస్యల పరిష్కారానికి కృషి చేస్తానని ఆనం రంగ మయూరి రెడ్డి తెలిపారు. ప్రజల ఆశీర్వాదంతో సాధించిన ఈ విజయాన్ని డివిజన్ అభివృద్ధికి అంకితం చేస్తానని పేర్కొన్నారు.