ఏళ్ల తరబడి విద్యుత్ సమస్యకు పరిష్కారం.. సర్పంచ్ చొరవతో గ్రామస్తులకు ఊరట

ఝ‌రాసంగం;ఝరాసంగం మండలం తుమ్మన్‌పల్లి గ్రామంలో గత కొన్నేళ్లుగా ప్రజలను ఇబ్బందులకు గురిచేస్తున్న విద్యుత్ సమస్యకు ఎట్టకేలకు పరిష్కారం లభించింది. గ్రామ సర్పంచ్ నాజియా అంజూమ్ షేక్ సోహైల్ ప్రత్యేక చొరవ తీసుకుని సమస్యను సంబంధిత విద్యుత్ శాఖ అధికారుల దృష్టికి తీసుకెళ్లడంతో పరిష్కారానికి మార్గం సుగమమైంది.గ్రామంలో విద్యుత్ సమస్య కారణంగా ప్రజలు ఎదుర్కొంటున్న ఇబ్బందులను గుర్తించిన సర్పంచ్ అధికారులతో మాట్లాడి సమస్య తీవ్రతను వివరించారు. దీంతో స్పందించిన విద్యుత్ శాఖ సిబ్బంది క్షేత్రస్థాయిలో అవసరమైన పనులు చేపట్టి సమస్య పరిష్కారానికి చర్యలు తీసుకున్నారు.ఏళ్ల తరబడి వేధిస్తున్న సమస్య పరిష్కార దిశగా చర్యలు చేపట్టడంతో గ్రామ ప్రజలు హర్షం వ్యక్తం చేస్తున్నారు. ప్రజల అవసరాలను గుర్తించి అధికారులతో సమన్వయం చేసుకుంటూ సమస్యల పరిష్కారానికి కృషి చేస్తున్న సర్పంచ్ నాజియా అంజూమ్ షేక్ సోహైల్‌ను గ్రామస్తులు అభినందిస్తున్నారు.