అభివృద్ధి బాటలో కూటమి ప్రభుత్వం.. టీడీపీ వైపు వైకాపా శ్రేణుల చూపు!

నందిగాం, సూర్య :  కూటమి ప్రభుత్వం అధికారంలోకి వచ్చిన నాటి నుంచి గ్రామీణ ప్రాంతాల అభివృద్ధికి పెద్దపీట వేస్తూ, పల్లెల్లో మౌలిక వసతుల కల్పనకు ప్రాధాన్యమిస్తుండటంతో  పార్టీలకు చెందిన నాయకులు, కార్యకర్తలు తెలుగుదేశం పార్టీ వైపు అడుగులు వేస్తున్నారు. ఈ క్రమంలో నందిగాం మండలం కళ్లాడ పంచాయతీకి చెందిన వైకాపా నాయకులు, మహిళా కార్యకర్తలు సహా 15 కుటుంబాలు తెలుగుదేశం పార్టీలో చేరాయి.ఈ మేరకు నిమ్మాడ క్యాంపు కార్యాలయంలో రాష్ట్ర వ్యవసాయ శాఖ మంత్రి కింజరాపు అచ్చెన్నాయుడు సమక్షంలో వారంతా తెలుగుదేశం పార్టీలో చేరారు. మంత్రి అచ్చెన్నాయుడు వారికి పసుపు కండువాలు కప్పి పార్టీలోకి సాదరంగా ఆహ్వానించారు. ఈ సందర్భంగా పార్టీలో చేరిన నాయకులు, మహిళా కార్యకర్తలు మాట్లాడుతూ.. కూటమి ప్రభుత్వం అధికారంలోకి వచ్చినప్పటి నుంచి గ్రామాల రూపురేఖలు మార్చేలా అభివృద్ధి కార్యక్రమాలు చేపడుతోందని కొనియాడారు. పల్లెల్లో రహదారుల నిర్మాణం, తాగునీటి వసతి, ఇతర మౌలిక సదుపాయాల కల్పనలో ప్రభుత్వం చిత్తశుద్ధితో పనిచేస్తోందని పేర్కొన్నారు. ప్రజా సంక్షేమం, గ్రామీణాభివృద్ధికి ప్రభుత్వం ఇస్తున్న ప్రాధాన్యాన్ని గుర్తించి తెలుగుదేశం పార్టీలో చేరాలని నిర్ణయించుకున్నట్లు వెల్లడించారు. పసుపురెడ్డి శ్యామ్‌సుందరరావు, లతమ్మ, తారమ్మ, సుభద్ర, త్రినాధరావు, గౌతమి, భారతి, లక్ష్మి, ఉషారాణి, సుబ్బారావు, చంద్రమ్మ, కనకమ్మ, అరుణకుమారి, భాగ్యలక్ష్మి, భాగవతి తదితరులు పాల్గొన్నారు.