విజయం సాధిస్తా - అభివృద్ధి చేసి చూపిస్తా
ఆత్మకూరు, మేజర్ న్యూస్ : కరటంపాడు ఎంపిటిసి పరిధిలో నాయకులందరి సహకారంతో మంత్రి ఆనం రామనారాయణ రెడ్డి ఆశీస్సులతో అన్ని వర్గాల ప్రజల ఆదరణతో తాను తప్పకుండా విజయం సాధిస్తానని, అనంతరం తమ సెగ్మెంట్ పరిధిలో అభివృద్ధి చేసి చూపిస్తానని కరటంపాడు ఎంపీటీసీ స్థానం నుండి కూటమి ఆధ్వర్యంలో తెలుగుదేశం అభ్యర్థిగా పోటీ చేస్తున్న దావా సుమన్య పేర్కొన్నారు. తమ సెగ్మెంట్ పరిధిలోని కరటంపాడు, సాతానుపల్లి, శ్రీనివాసపురం, రామాపురం, బోయల చిరువెళ్ళ, నబ్బినగరం, గొల్లపల్లి గ్రామాల్లో ఆమె ఎన్నికల ప్రచారం నిర్వహిస్తుండగా అన్ని వర్గాల నుండి విశేష ఆదరణ ఆశీస్సులు లభిస్తున్నాయని తాను తప్పకుండా విజయం సాధించి కరటంపాడు సెగ్మెంట్ లో అభివృద్ధి పరుస్తానని, ప్రజా సమస్యలను పరిష్కరిస్తానని,అన్ని వర్గాల ప్రజల కనీస అవసరాలను తీరుస్తానని, మౌలిక వసతులు కల్పిస్తానని దావా సుమన్య పేర్కొన్నారు.
