నెల్లూరు రూరల్ 2వ డివిజన్‌లో టీడీపీ జయకేతనం!

నెల్లూరు,  మేజర్ న్యూస్ :    నెల్లూరు నగరపాలక సంస్థ ఎన్నికల్లో నెల్లూరు రూరల్ పరిధిలోని 2వ డివిజన్‌లో తెలుగుదేశం పార్టీ అభ్యర్థి ఎం.డి. జావిద్ ఘన విజయం సాధించారు. రెండో వార్డు నుంచి టీడీపీ కార్పొరేటర్ అభ్యర్థిగా ఎన్నికల బరిలో నిలిచిన ఆయన తన సమీప ప్రత్యర్థిపై 1,568 ఓట్ల భారీ మెజార్టీతో విజయాన్ని అందుకున్నారు.  ఈ విజయంతో 2వ డివిజన్‌లో టీడీపీ శ్రేణులు, అభిమానుల్లో ఉత్సాహం నెలకొంది. జావిద్ గెలుపుతో పార్టీ నాయకులు, కార్యకర్తలు సంబరాలు చేసుకుంటూ ఆయనకు అభినందనలు తెలియజేశారు.  తనపై నమ్మకంతో ఓట్లు వేసి గెలిపించిన డివిజన్ ప్రజలకు ఎం.డి. జావిద్ కృతజ్ఞతలు తెలిపారు. ప్రజల ఆశయాలకు అనుగుణంగా పనిచేస్తూ డివిజన్ అభివృద్ధికి, స్థానిక సమస్యల పరిష్కారానికి కృషి చేస్తానని ఆయన పేర్కొన్నారు.