వరి రైతు వెన్ను విరిచిన మురుసు తుఫాన్!
వరుస విపత్తులతో కుదేలైన అన్నదాత.. దిక్కుతోచని స్థితిలో రైతులు
రావులపాలెం: మేజర్ న్యూస్ రావులపాలెం మండలం వ్యాప్తంగా మురుసు తుఫాన్ ప్రభావం వరి రైతులను తీవ్ర ఆందోళనకు గురిచేస్తోంది. గత ఏడాది మంతా తుఫాన్ మిగిల్చిన కన్నీళ్లు ఇంకా ఆరకముందే అర్నాబ్ తుఫాన్ వరి రైతులను తీవ్రంగా దెబ్బతీసింది. ఆ నష్టాల నుంచి కోలుకోకముందే తాజాగా మురుసు తుఫాన్ మరోసారి రైతుల ఆశలపై నీళ్లు చల్లింది.
మండలంలోని పలు గ్రామాల్లో వరి పంట పొలాలు నీట మునిగి కనిపిస్తున్నాయి. ఇప్పటికే పంట నష్టాలతో ఇబ్బందులు పడుతున్న రైతులకు తాజా వర్షాలు మరింత భారంగా మారాయి. పెట్టుబడుల కోసం చేసిన అప్పులు, చేతికొస్తుందనుకున్న పంట దెబ్బతినడంతో రైతుల పరిస్థితి దయనీయంగా మారింది.
వరుస ప్రకృతి వైపరీత్యాలతో వ్యవసాయం భారంగా మారిందని, పంటలను కాపాడుకోవాలో.. అప్పులు ఎలా తీర్చాలో తెలియని పరిస్థితి నెలకొందని రైతులు ఆవేదన వ్యక్తం చేస్తున్నారు.
రావులపాలెం మండల వ్యాప్తంగా అధికారులు క్షేత్రస్థాయిలో పర్యటించి పంట నష్టాన్ని అంచనా వేయాలని, నష్టపోయిన ప్రతి రైతుకు ప్రభుత్వం తక్షణమే పరిహారం అందించి ఆదుకోవాలని అన్నదాతలు వేడుకుంటున్నారు.
