జనసేన కార్పొరేటర్ బాయన రాణి ఘన విజయం

ఆరిలోవ, సూర్య: జీవీఎంసీ ఎన్నికల్లో జనసేన పార్టీకి చెందిన బయాన రాణి 12వ వార్డు కార్పొరేటర్‌గా అత్యధిక మెజార్టీతో గెలుపొందారు.ఈ సందర్భంగా రాణి మాట్లాడుతూ, తనపై నమ్మకంతో ఏకగ్రీవంగా ఎన్నుకున్న వార్డు ప్రజలకు కృతజ్ఞతలు తెలిపారు. తన ఎన్నికకు సహకరించిన ఓటర్లు, జనసేన పార్టీ నాయకులు, కార్యకర్తలు, అభిమానులు, మద్దతుదారులు, కుటుంబ సభ్యులకు ప్రత్యేక ధన్యవాదాలు తెలియజేశారు.ప్రజలు తనపై ఉంచిన విశ్వాసం మరింత బాధ్యతను పెంచిందని ఆమె పేర్కొన్నారు. వార్డులో ప్రజలు ఎదుర్కొంటున్న సమస్యల పరిష్కారానికి ప్రాధాన్యమిస్తానన్నారు. ముఖ్యంగా తాగునీరు, పారిశుధ్యం, రహదారులు తదితర మౌలిక సదుపాయాల అభివృద్ధికి కృషి చేస్తానని హామీ ఇచ్చారు. ప్రజలకు నిరంతరం అందుబాటులో ఉంటూ, వారి సమస్యల పరిష్కారానికి చిత్తశుద్ధితో పనిచేస్తానని స్పష్టం చేశారు.తన ఏకగ్రీవ ఎన్నిక ప్రజల విజయమని పేర్కొన్న రాణి, వారి ఆకాంక్షలకు అనుగుణంగా పనిచేస్తూ తనపై ఉంచిన నమ్మకాన్ని నిలబెట్టుకుంటానన్నారు. తన ఎన్నికకు సహకరించిన పార్టీ నాయకులు, కార్యకర్తల సేవలను గుర్తు చేసుకున్నారు. వార్డు సమగ్ర అభివృద్ధి, ప్రజా సంక్షేమమే తన ప్రధాన లక్ష్యమని తెలిపారు.