ఎస్.రాయవరం మండలంలో హోరెత్తిన కూటమి ర్యాలీ!

అభివృద్ధికే మీ ఓటు వేయండని కోరిన ఎంపీపీ అభ్యర్థి నల్లపరాజు వెంకటరాజు

ఎస్.రాయవరం, నవంబర్ 3, మేజర్ న్యూస్:
మండల పరిషత్ ఎన్నికల ప్రచారానికి చివరి రోజు కావడంతో ఎస్.రాయవరం మండలంలో మంగళవారం ఎన్నికల హడావిడి నెలకొంది. కూటమి తరపున ఎంపీపీ అభ్యర్థిగా పోటీ చేస్తున్న నల్లపరాజు వెంకటరాజు ఆధ్వర్యంలో భారీ ర్యాలీ నిర్వహించారు. మండలంలోని గుడివాడ గ్రామం నుంచి ప్రారంభమైన ఈ ర్యాలీ పెద ఉప్పలం మీదుగా సాగింది. ర్యాలీలో టీడీపీ, జనసేన, బీజేపీ కూటమికి చెందిన మండల స్థాయి నాయకులు, గ్రామాల కార్యకర్తలు, అభిమానులు పెద్ద సంఖ్యలో పాల్గొని తమ మద్దతు తెలిపారు.

అనంతరం ఏర్పాటు చేసిన సమావేశంలో అభ్యర్థి నల్లపరాజు వెంకటరాజు మాట్లాడుతూ, గతంలో కూటమి ప్రభుత్వం అనేక అభివృద్ధి పనులు చేసిందని, మరోసారి కూటమి అభ్యర్థులకు అవకాశం ఇస్తే మండలంలో పెండింగ్ లో ఉన్న పనులతో పాటు మరింత అభివృద్ధి జరిగేందుకు ఆస్కారం ఉంటుందన్నారు. ప్రతీ ఒక్కరూ ఆలోచించి కూటమి అభ్యర్థులను గెలిపించాలని ఎం.పీ.పీ అభ్యర్థి వెంకటరాజు కోరారు. ఈ ర్యాలీలో మండల తెలుగుదేశం పార్టీ అధ్యక్షుడు అమలకంటి అబద్ధం, కూటమి నాయకులు, కార్యకర్తలు పాల్గొన్నారు.