బీజేపీలో చేరిన కాంగ్రెస్ నాయకుడు నారాయణరెడ్డి

సిటీబ్యూరో, హైదరాబాద్: సారథి సొసైటీకి చెందిన కాంగ్రెస్ నాయకుడు నారాయణరెడ్డి బీజేపీలో చేరారు. హైదరాబాద్ సెంట్రల్ జిల్లా బీజేపీ అధ్యక్షుడు లంకాల దీపక్‌రెడ్డి ఆధ్వర్యంలో బుధవారం ఆయన కాషాయ కండువా కప్పుకుని పార్టీలో చేరారు. ఈ కార్యక్రమంలో రాజీవ్‌నగర్ డివిజన్ బీజేపీ అధ్యక్షుడు రాగి సత్యనారాయణతో పాటు బీజేపీ నాయకులు శ్రీనివాస్‌రెడ్డి, కృష్ణమోహన్, శరణ్‌రెడ్డి, సనా ఫాతిమా, రాజు, సాయి గోపి తదితరులు పాల్గొన్నారు. నారాయణరెడ్డికి పార్టీ నాయకులు స్వాగతం పలికారు. ఈ సందర్భంగా రాజీవ్‌నగర్ డివిజన్ బీజేపీ అధ్యక్షుడు రాగి సత్యనారాయణ మాట్లాడుతూ ఇది ఆరంభం మాత్రమేనని, రాబోయే రోజుల్లో బీజేపీలోకి వలసలు పెద్ద ఎత్తున రాబోతున్నాయన్నారు. ప్రధాని మోడీ పాలనకు ఆకర్షితులై వివిధ పార్టీల నుండి బీజేపీలో చేరుతున్నారని పేర్కొన్నారు.